Batumelebi | ქუჩები, რომლებიც „ჭაობის დასახლებაში“ კეთილმოეწყობა ქუჩები, რომლებიც „ჭაობის დასახლებაში“ კეთილმოეწყობა – Batumelebi
RU | GE  

ქუჩები, რომლებიც „ჭაობის დასახლებაში“ კეთილმოეწყობა

„ჭაობის დასახლებაში“, სადაც ინფრასტრუქტურული სამუშაოები მიმდინარეობს, ბათუმის მერია გარკვეული ქუჩებისა და ქუჩის მონაკვეთების კეთილმოწყობას გეგმავს. მიმდინარე წელს გამოცხადებული ტენდერების მიხედვით, „ჭაობის დასახლებაში“ ქუჩების კეთილმოწყობისთვის ქალაქის ბიუჯეტიდან 13 მილიონზე მეტი ლარია გამოყოფილი. სამუშაოები ამ ქუჩებზე 2018 წელს უნდა დასრულდეს.

სატენდერო დოკუმენტების მიხედვით, თითქმის ყველა ქუჩაზე სამუშაოები ითვალისწინებს ასფალტბეტონის საფარის დაგებას, ტროტუარების, ბორდიურებისა და  რიგ ადგილებში სანიაღვრე სისტემის მოწყობას.

1111

ზემოთ აღნიშნულ ქუჩებზე სამუშაოები სრულად უნდა განხორციელდეს ხელშეკრულების გაფორმებიდან 2018 წლის პირველ მაისამდე პერიოდში. ტენდერი მიმდინარე წლის 10 თებერვალს დასრულდება და სამუშაოებისთვის 2 682 478 ლარია გათვალისწინებული.

ქუჩების მონაკვეთები, სადაც სამუშაოები სრულად უნდა განხორციელდეს ხელშეკრულების გაფორმებიდან 2018 წლის პირველ სექტემბრამდე:

2222

ტენდერი ამ შემთხვევაშიც 10 თებერვალს უნდა დასრულდეს. სამუშაოებისთვის კი 5 436 647 ლარია გათვალისწინებული.

ხელშეკრულების გაფორმებიდან 2018 წლის პირველ სექტემბრამდე უნდა დასრულდეს სამუშაოები შემდეგ მონაკვეთებზეც:

3333

აღნიშნული ქუჩების კეთილმოწყობის სამუშაოების შესყიდვაზე გამოცხადებული ტენდერი მიმდინარე წლის 10 თებერვალს დასრულდება. ამ სამუშაოებში მაქსიმუმ 4 966 693 ლარი დაიხარჯება.

ბათუმის მერია გეგმავს ქუჩების კეთილმოწყობას „ბონისა“ და „ბარცხანის“ დასახლებებში; ასევე ტენდერია გამოცხადებული ლორთქიფანიძის ქუჩის კეთილმოწყობისთვის, რაშიც მერია მაქსიმუმ 240 ათას ლარს გადაიხდის.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com