Batumelebi | 4,5 მილიონი ლარი „ბარცხანაში“ ქუჩების რეკონსტრუქციისთვის   4,5 მილიონი ლარი „ბარცხანაში“ ქუჩების რეკონსტრუქციისთვის   – Batumelebi
RU | GE  

4,5 მილიონი ლარი „ბარცხანაში“ ქუჩების რეკონსტრუქციისთვის  

ბარცხანის დასახლებაში 18 ქუჩისა და ჩიხის კეთილმოწყობაში ბათუმის ბიუჯეტიდან 4,5 მილიონზე  მეტი ლარი დაიხარჯება. შესაბამისი სამუშაოების შესყიდვისთვის ბათუმის მერიამ ტენდერი გამოაცხადა. სავარაუდო თანხა 4 530 195 ლარია.

ბარცხანის დასახლებაში სამუშაოები შემდეგ ქუჩებზე ჩატარდება:

quCebi barcxana

ქუჩებზე დაიგება ასფალტბეტონი, მოეწყობა ბაზალტის ბორდიურები, დაიგება დეკორატიული ფილები.

პროექტით გათვალისწინებულია ორი ტიპის საგზაო სამოსის მოწყობა:

ტიპი I

  • შემასწორებელი ფენის მოწყობა წვრილმარცვლოვანი ა/ბეტონით, სისქე 2.5 სმ;
  • თხევადი ბიტუმის მოსხმა;
  • საფარი-წვრილმარცვლოვანი, მკვრივი, ფოროვანი ა/ბ ცხელი ნარევი, მარკა II, h= 5 სმ

ტიპი II

  • ქვესაგები ფენა – ქვიშა-ხრეშოვანი ნარევი, h=35 სმ;
  • საფუძველი – ფრაქც. ღორღი (0-40)მმ, სისქით 15სმ (ГОСТ 2507-83);
  • თხევადი ბიტუმის მოსხმა;
  • საფარის ქვედა ფენა – მსხვილმარცვლოვანი ფოროვანი ღორღოვანი ა/ბეტონის ცხელი ნარევი მარკა II, სისქით 6სმ (ГОСТ 9128-84);
  • თხევადი ბიტუმის მოსხმა;
  • საფარის ზედა ფენა -წვრილმარცვლოვანი მკვრივი ღორღოვანი ა/ბეტონის ცხელი ნარევი ტიპი „Б“ მარკა II, სისქით 4 სმ.

სატენდერო პირობების თანახმად, „სამუშაოს დაწყებამდე ყველა არსებული მიწისქვეშა კომუნიკაციები, რომლებიც იმყოფებიან სამუშაო ზონაში, გახსნილი უნდა იქნას მათი ჩალაგების სიღრმის და გეგმაში განლაგების დაზუსტების მიზნით. ეს პროცესი უნდა ხდებოდეს იმ მუშაკთა თანდასწრებით, რომლებიც პასუხისმგებელი არიან ამ კომუნიკაციების ექსპლუატაციაზე. აღნიშნული კომუნიკაციები აღნიშნული უნდა იყოს გამაფრთხილებელი ნიშნებით. მშენებლობის დამთავრების შემდეგ სრულდება სამშენებლო ტერიტორიის კეთილმოწყობის სამუშაოების სრული კომპლექსი“.

კაპიტალური სამუშაოების ჩატარებისას გზაზე უზრუნველყოფილი უნდა იყოს ტრანსპორტის მოძრაობა, რის გამოც სამუშაოები უნდა ჩატარდეს ეტაპობრივად, ჯერ გზის ერთ ნახევარზე, მერე მეორე ნახევარზე ტრანსპორტის მოძრაობის შენარჩუნებით, შემდეგ კი პირიქით.

სამშენებლო-სარეკონსტრუქციო სამუშაოების დაწყებამდე ტენდერში გამარჯვებულმა მიმწოდებელმა შემსყიდველ ორგანიზაციას შესათანხმებლად უნდა წარმოუდგინოს სანიაღვრე სისტემების მოწყობის საპროექტო დოკუმენტაცია შესაბამისი ნიშნულებისა და ქანობების მითითებით.

საგარანტიო პერიოდი შეადგენს 24 თვეს სამუშაოების დასრულებიდან. სამუშაოები უნდა განხორციელდეს ხელშეკრულების გაფორმებიდან 2018 წლის პირველ ივნისამდე. ტენდერში წინადადებების მიღება მიმდინარე წლის 9 თებერვალს დაიწყება და 14 თებერვალს უნდა დასრულდეს.

ოცამდე ქუჩის, შესახვევისა და ჩიხის კეთილმოწყობას იწყებს ბათუმის მერია ე.წ. „ბონის“ დასახლებაშიც, რისთვისაც ქალაქის ბიუჯეტიდან  4 მილიონამდე ლარი დაიხარჯება.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com