აჭარის ფინანსთა მინისტრის მოადგილედ დავით მაკარაძე დაინიშნა

აჭარის ფინანსთა და ეკონომიკის მინისტრის მოადგილედ დავით მაკარაძე დაინიშნა. დღემდე ის აჭარის ფინანსთა და ეკონომიკის სამინისტროს ქალაქმშენებლობის დეპარტამენტის ზედამხედველობისა და მონიტორინგის მიმართულებას ხელმღვანელობდა.

დავით მაკარაძე აჭარის ფინანსთა და ეკონომიკის სამინისტროში 2004 წლიდან მუშაობს.
1997-1998 წლებში ის იყო აჭარის ურბანიზაციისა და მშენებლობის სახელმწიფო დეპარტამენტის არქიტექტურულ-სამშენებლო ინსპექციის მთავარი სპეციალისტი და უფროსი.

1998-2004 წლებში კი აჭარის ურბანიზაციისა და მშენებლობის სამინისტროს განყოფილების -აჭარის არქიტექტურულ-სამშენებლო ინსპექციის უფროსად მუშაობდა.

2004-2005 წლებში დავით მაკარაძე აჭარის ფინანსთა და ეკონომიკის სამინისტროს საქვეუწყებო დაწესებულება ქალაქმშენებლობის დეპარტამენტის არქიტექტურულ-სამშენებლო ზედამხედველობის სამსახურთა კოორდინაციის სამმართველოს – აჭარის არქმშენინსპექციის უფროსის მოვალეობას ასრულებდა.

2006-2007 წლებში ქალაქმშენებლობის დეპარტამენტის არქიტექტურულ-სამშენებლო ზედამხედველობის სამსახურის კოორდინაციის სამმართველოს უფროსი იყო, ხოლო 2007 წელს აჭარის არქიტექტურულ-სამშენებლო ინსპექციის უფროსის მოვალეობის შემსრულებელი.