Batumelebi | ავტოავარიის შედეგად აჭარაში სამი პოლიციელი დაშავდა ავტოავარიის შედეგად აჭარაში სამი პოლიციელი დაშავდა – Batumelebi
RU | GE  

ავტოავარიის შედეგად აჭარაში სამი პოლიციელი დაშავდა

გონიოში მომხდარი ავტოავარიის შედეგად სამი პოლიციელი დაშავდა. შემთხვევა გუშინ, 16 იანვარს, საღამოს მოხდა. სამივე პოლიციელი და კიდევ ერთი დაშავებული ბათუმის რეფერალურ საავადმყოფოშია მოთავსებული.

ავარიის შესახებ ინფორმაცია დაგვიდასტურეს შინაგან საქმეთა სამინისტროში. უწყების პირველადი მონაცემებით, მოქალაქემ, რომელიც „ოპელის“ მარკის ავტომანქანას მართავდა, დაარღვია საგზაო მანევრირების წესი და შეეჯახა „ფოლკსვაგენს“, რომლითაც სამი პოლიციელი გადაადგილდებოდა. უწყების პრესსამსახურის ინფორმაციით, ოთხივე დაზარალებულის ჯანმრთელობის მდგომარეობა სტაბილურია.

ავტოავარიის შემთხვევაზე დაწყებულია გამოძიება სისხლის სამართლის კოდექსის 276-ე მუხლის პირველი ნაწილით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.

ნეტგაზეთის მასალების სხვა გამოცემებში გადაბეჭდვის წესი
ავტორი