2026 სასწავლო წელს, აჭარის 13 საჯარო სკოლაში სასულიერო კლუბები გაიხსნა, სადაც ე.წ „ღირებულებით გაკვეთილებს“ ჩაუტარებენ მოსწავლეებს.
აჭარის განათლების სამინისტროს ინფორმაციით, ამ ეტაპზე 8 სასულიერო კლუბია გახსნილი ბათუმის საჯარო სკოლაში, 2 – ხელვაჩაურის მუნიციპალიტეტში და 3 კლუბი, ქობულეთის საჯარო სკოლებში.
„სასწავლო წლის განმავლობაში იგეგმება აღნიშნული კლუბების რაოდენობის გაზრდა“-გვწერენ განათლების სამინისტროდან.
სასულიერო კლუბები სახელწიფო ბიუჯეტიდან ფინანსდება. კერძოდ, სახელმწიფო აფინანსებს სასულიერო პირის ხელფასს, – 650 ლარის ოდენობით თვეში, რომელიც ამ კლუბშია დასაქმებული.
საქართველოს განათლების სამინისტროს ინფორმაციით, საქართველოს მასშტაბით სასულიერო კლუბები 141 საჯარო სკოლაშია გახსნილი, [სულ 175 კლუბი იყო ივლისის მონაცემებით] თუმცა, ამ რიცხვში შედის თუ არა აჭარაში გახსნილი სკოლები, დაზუსტებული არ არის.
განათლების სამინისტრო 2026 წლის ივლისში წერდა, რომ სასულიერო კლუბებში 4 375 მოსწავლე იყო ჩართული.
კლუბებში დასაქმებული სასულიერო პირების ხელფასებზე თვეში 113 750 ლარზე მეტი დაიხარჯება, რაც წელიწადში მინიმუმ 1 მილიონ ლარზე მეტია.
________________
ამ თემაზე:
„თუ მღვდელი გასწავლის, დანაშაულისკენ აღარ გაიხედავ?“ – მასწავლებელი სკოლებში შექმნილ კლუბებზე
