მთავარი,სიახლეები

ნათია სირაბიძემ მინისტრის მოადგილის პოსტი დატოვა

26.12.2016 • 3463
ნათია სირაბიძემ მინისტრის მოადგილის პოსტი დატოვა

აჭარის განათლების, კულტურის და სპორტის მინისტრის მოადგილემ, ნათია სირაბიძემ თანამდებობა დატოვა. როგორც მან „ბათუმელებთან“ საუბარში განაცხადა, თანამდებობის დატოვების მიზეზი ახალი მინისტრის გადაწყვეტილებაა.

„ჩვენ ხომ ისედაც გათავისუფლებული ვიყავით თანამდებობიდან მთავრობის ცვლილების გამო, უბრალოდ აღარ ვინიშნები. მინისტრის გადაწყვეტილება იყო. დღეს მითხრეს მე“ – ამბობს ნათია სირაბიძე.

ნათია სირაბიძემ  „ბათუმელებთან“ საუბარში ასევე აღნიშნა, რომ ის ახალ სამსახურს ელოდება: „ვიღებ სხვადასხვა კონკურსში მონაწილეობას,  თბილისში მაქვს ერთ-ერთ საერთაშორისო ორგანიზაციაში შეტანილი განცხადება დასაქმებაზე და ველოდები პასუხს, ბათუმში კი ადგილზე აჭარის მთავრობის თავმჯდომარესთან გავდივარ კონსულტაციას“.

„ბათუმელების“ ინფორმაციით მინისტრის მოადგილის ადგილს სამინისტროს კულტურის დეპარტამენტის ხელმძღვანელი თეონა ბერიძე დაიკავებს.

ნათია სირაბიძე მინისტრის მოადგილედ კულტურის დარგში გასულ წელს დაინიშნა.

გადაბეჭდვის წესი


ასევე: