დღეს, 9 დეკემბერს, ხულოში გამოიდარა, თუმცა დიდთოვლობისა და გზების მოყინულობის გამო რამდენიმე საბავშვო ბაღის მუშაობა კვლავ შეჩერებულია.
ხულოს მუნიციპალიტეტის გამგებლის ბესიკ ბაუჩაძის ინფორმაციით, ელექტროენერგია ამ დროისთვის მხოლოდ ერთ სოფელს, რაქვთას არ მიეწოდება.
რაც შეეხება გზებს, რომლებიც გუშინ დიდთოვლობის გამო ჩაკეტილი იყო, ხულოს გამგებლის ინფორმაციით, დღეს დილიდან იწმინდება -„ყველა სოფელთან დამაკავშირებელი ცეტრალური მაგისტრალი დილიდან იწმინდება. ხიხაძირის მიმართულებით არის მხოლოდ ერთი მონაკვეთი გასაწმენდი, რაც დაახლოებით ნახევარ საათში დასრულდება, ასევე ღორჯომის მიმართულებით მიმდინარეობს პრობლემური მონაკვეთების გაწმენდა, გოდერძის მიმართულებით გზები გაწმენდილია და მოძრაობა დასაშვებია მოცურების საწინააღმდეგო ჯაჭვებით,“ – ამბობს ბესიკ ბაუჩაძე.
