Batumelebi | განათლების სამინისტრო: გათბობა ხვალიდან ბათუმის ყველა სკოლაში ჩაირთვება განათლების სამინისტრო: გათბობა ხვალიდან ბათუმის ყველა სკოლაში ჩაირთვება – Batumelebi
RU | GE  

განათლების სამინისტრო: გათბობა ხვალიდან ბათუმის ყველა სკოლაში ჩაირთვება

“ბათუმელების” ინფორმაციით ბათუმის რამდენიმე საჯარო სკოლაში დღეს ცენტრალური გათბობა არ იყო ჩართული. ინფორმაცია დაგვიდასტურეს აჭარის განათლების სამინისტროში. პრესსამსახურის მონაცემებით, ტექნიკური ხარვეზების გამო, გათბობა ვერ ჩაირთო ბათუმის პირველი საჯარო სკოლის ახალ შენობაში, ასევე მე-16 და 23-ე სკოლებში.

“პრობლემა იყო ტექნიკური ხასიათის და იგი ხვალისთვის აღმოფხვრილი იქნება. რაც შეეხება პირველი სკოლის ახალ კორპუსს, იქ თავად სამშენებლო კომპანიაზეა დამოკიდებული გათბობის ახალი სისტემის ამოქმედება. ჩვენი ინფორმაციით პირველ სკოლაშიც ხვალისთვის უნდა ჩაირთოს გათბობა,” – უთხრა “ბათუმელებს” თეა ვადაჭკორიამ, აჭარის განათლების სამინისტროს პრესსამსახურის უფროსმა.

სამინისტროს ინფორმაციით, შეშით მომარაგებელია აჭარის მაღალმთიანეთის ყველა სკოლა, მათ შორის, ხულოს მუნიციპალიტეტი, სადაც დღეს თოვლი მოვიდა. 

ნეტგაზეთის მასალების სხვა გამოცემებში გადაბეჭდვის წესი
ავტორი