31 ოქტომბერს საღამოს საათებიდან ხულოს მუნიციპალიტეტში თოვს. მუნიციპალიტეტის გამგეობის ინფორმაციით თოვლის საფარი ამ დროისათვის გოდერძის უღელტეხილზე 30 სმ-ს, მაღალი ზონის სოფლებში 10-15 სმ-ს, ხოლო დაბის ტერიტორიაზე 1-2 სმ-ს მიაღწია.
ხულოს მუნიციპალიტეტის გამგეობის ინფორმაციით საავტომობილო მიმოსვლა სოფლებში არ შეფერხებულა და გზა გაწმენდილია გოდერძის უღელტეხილზეც.
გვიან ღამით ელექტრო ენერგიის მიწოდება შეუწყდა საციხურის ადმინისტრაციულ ერთეულში შემავალ სოფლებს, აგრეთვე ირემაძეებს და ბოღაურს. აღნიშნულ სოფლებში უკვე აღდგენილია ელექტროენერგიის მიწოდება. ამ დროისათვის ელექტროენერგიის გარეშე დარჩენილია აგარა, დანისპარაული და შუასოფელი, სადაც მიმდინარეობს სამუშაოები და გამგეობის ცნობით, ელექტროენერგიის მიწოდება აღნიშნულ სოფლებსაც მალე აღუდგებათ .
ფოტო ხულოს მუნიციპალიტეტის გამგეობის ფეისბუქგვერდიდან
ფოტო ხულოს მუნიციპალიტეტის გამგეობის ფეისბუქგვერდიდან
