Batumelebi | პაატა ბურჭულაძის ბლოკი „ოცნების” მხრიდან მათი კანდიდატების ანტიკამპანიაზე საუბრობს პაატა ბურჭულაძის ბლოკი „ოცნების” მხრიდან მათი კანდიდატების ანტიკამპანიაზე საუბრობს – Batumelebi
RU | GE  

პაატა ბურჭულაძის ბლოკი „ოცნების” მხრიდან მათი კანდიდატების ანტიკამპანიაზე საუბრობს

#69 საარჩევნო ოლქში პაატა ბურჭულაძის ბლოკიდან „სახელმწიფო ხალხისთვის“  წარდგენილი მაჟორიტარი კანდიდატი, ნინო ტავლალაშვილი სახელისუფლებო გუნდის მხრიდან მათი კანდიდატების წინააღმდეგ მიმართულ ანტიკამპანიაზე საუბრობს .

“ტრადიციულად ფიქსირდება ტექნიკური დარღვევები, რომლებიც ნებისმიერი არჩევნების დროს არის, მაგალითად, ბიულეტინის ნაკლებობით მიტანა, უბნებზე გარკვეული შიდა დარღვევები, მაგრამ ყველაზე დიდი დარღვევა, რაც ჩვენ დავაფიქსირეთ, არის 73-ე მაჟრიტარულ ოლქში (ეს არის მაღალმთიანი აჭარა), სადაც ჩვენი წარმომადგენლების მაჟორიტარობის კანდიდატების საწინააღმდეგო კამპანია დაიწყო სახელისუფლებო გუნდმა და გაავრცელა ინფორმაცია, თითქოს საქართველოს პარლამენტში მაჟორიტარობის კანდიდატმა მინურ აბულაძემ და უმაღლეს საბჭოში – დავით გათენაძემ მოხსნეს კანდიდატურები, ამან ბუნებრივია მოსახლეობა შეიყვანა შეცდომაში,” – ამბობს ის.

ნინო ტავლალაშვილის განმარტებით, მათი გუნდის წევრების მიმართ წარმოებულ ანტიკამპანიაში მმართველი გუნდის დადანაშაულების საფუძველს იძლევა იმ ამომრჩეველთა ინფორმაცია, რომლებიც საარჩევნო უბნიდან გამოსვლის შემდეგ ამბობდნენ, რომ ეს ინფორმაცია მათ კოორდინატორებმა უთხრეს.

“ნებისმიერი ამომრჩეველი, რომელიც გამოდიოდა, პირდაპირ ხმამაღლა აცხადებდა, რომ მათ კოორდინატორებმა უთხრეს – ამ ბლოკის – “პაატა ბურჭულაძე – სახელმწიფო ხალხისთვის” მაჟორიტარობის კანდიდატებმა მოხსნეს საკუთარი კანდიდატურებიო. ეს არის უტყუარი ინფორმაცია, რომელმაც ჩვენამდე მოაღწია და მასზე შესაბამისმა სამსახურებმა უნდა მოახდინონ რეაგირება, რადგან  ეს არის არჩვენების დღეს, ერთ-ერთი ანგარიშგასაწევი პოლიტიკური ძალის, მიზანმიმართული ანტიკამპანია”. – ამბობს ნინო ტავლალაშვილი

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან