Batumelebi | ხულოში, თონეში აფეთქების შედეგად მამაკაცი დაიღუპა ხულოში, თონეში აფეთქების შედეგად მამაკაცი დაიღუპა – Batumelebi
RU | GE  

ხულოში, თონეში აფეთქების შედეგად მამაკაცი დაიღუპა

დღეს, 3 ოქტომბერს, ნაშუადღევს დაბა ხულოში თონეში აფეთქების შედეგად შუახნის მამაკაცი დაიღუპა. შსს-ს ინფორმაციით, გამოძიება მიმდინარეობს სსკ-ის 242-ე მუხლის მეორე ნაწილით, რომელიც გულისხმობს საწარმოში უსაფრთხოების ნორმების დარღვევას.

„თონე დამწვარი არ არის, რაღაც აფეთქდა, რის შედეგადაც დაიღუპა ერთი ადამიანი“-გვეუბნებიან შსს-ს პრესცენტრში.

ხულოს გამგებელი ბესიკ ბაუჩაძე „ბათუმელებთან“ საუბარში ამბობს, რომ  თონეში მომხდარის შესახებ დეტალებს არ ფლობს: „შემთხვევა დაახლოებით ნაშუადღევს მოხდა. დაღუპულის ვინაობა არ ვიცი“.

გამგებლის ინფორმაციით, დაღუპული მამაკაცი თონეში მარტო იყო.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com