უკრაინის გენერალური შტაბის ცნობით, 14 ივნისის ღამეს უკრაინულმა დრონებმა რუსეთის სამხედრო-სამრეწველო კომპლექსის ორ ობიექტზე მიიტანეს იერიში.
კერძოდ, უკრაინამ დრონებით თავდასხმა განახორციელა რუსეთში, სამარის რეგიონში მდებარე ასაფეთქებელი ნივთიერებების წარმოების საწარმოზე, სადაც აფეთქებები და ხანძარი დაფიქსირდა.
უკრაინული დრონების თავდასხმის შედეგად ხანძარი გაჩნდა სტავროპოლში მდებარე ქარხანაშიც, რომელიც ასაფეთქებელი ნივთიერებების, საბრძოლო მასალის და სარაკეტო საწვავის კომპონენტების ერთ-ერთი მთავარი მწარმოებელია. უკრაინის გენერალური შტაბის ცნობით, რომ ეს საწარმო უკრაინის წინააღმდეგ შეიარაღებული აგრესიის უზრუნველყოფაში მონაწილეობს.
ასევე, 14 ივნისის ღამეს უკრაინული დრონები თავს დაესხნენ რუსეთის ერთ-ერთ უდიდეს ქიმიურ ქარხანას – „ნევინომიისკის აზოტს“ სტავროპოლში. სოციალურ ქსელებში ვრცელდება ქარხნის ტერიტორიაზე აფეთქების ამსახველი ვიდეოკადრები.
დარტყმის შედეგები ზუსტდება.
_______________
ფოტო: 24tv.ua
