ბათუმში, მელიქიშვილისა და ბაგრატიონების ქუჩის კვეთაზე 50 წლამდე ასაკის ქალს, რომელსაც თან ბავშვი ახლდა, ავტომანქანა დაეჯახა.
როგორც თვითმხილველებმა “ბათუმელებს” უთხრეს, ავტოსაგზაო შემთხვევაში მონაწილე მანქანის მძღოლი ადგილიდან მიიმალა.
ავარიის ადგილას მობილიზებული იყო პოლიცია და სასწრაფო დახმარების სამსახური.
თვითმხილველთა თქმით, დაშავებულ ქალს პირველადი სამედიცინო დახმარება სასწრაფოს ექიმებმა გაუწიეს და შემდგომ საავადმყოფოში გადაიყვანეს.
“ბათუმელებმა” სცადა დაშავებული ქალის ჯანმრთელობის მდგომარეობის შესახებ ინფორმაციის გადამოწმება სასწრაფო სამედიცინო სამსახურში, თუმცა უწყებაში ჩვენს ზარებს არ უპასუხეს.
