რიჟვაძე „ოცნების“ პოლიტსაბჭოში აღარაა – იგი თამაზაშვილით ჩაანაცვლეს

„ქართული ოცნების“ ყრილობაზე, რომელიც დღეს, 7 მაისს გაიმართა, პოლიტსაბჭოს შემადგენლობა განაახლეს.

თორნიკე რიჟვაძე, რომელიც 6 წლის განმავლობაში აჭარის მთავრობის თავმჯდომარე იყო, ხოლო ,,ოცნების” პოლიტსაბჭოს 2021 წლის იანვარში შეუერთდა, სულხან თამაზაშვილით ჩაანაცვლეს.

სულხან თამაზაშვილი აჭარის არალეგიტიმური მთავრობის თავმჯდომარეა. მან თორნიკე რიჟვაძე შეცვალა ამ პოსტზე, რომელმაც თანამდებობა 4 აპრილს ფეისბუქზე დაწერილი სტატუსით დატოვა.

დღესვე „ქართული ოცნების“ ყრილობაზე მმართველი პარტიის ახალ თავმჯდომარედ ირაკლი კობახიძე აირჩიეს.

დღევანდელ ყრილობაზე, რომელიც 18 წუთს გაგრძელდა და სიტყვით მხოლოდ პარტიის აღმასრულებელი მდივანი, მამუკა მდინარაძე და პარტიის ახალი თავმჯდომარე, ირაკლი კობახიძე გამოვიდნენ, ასევე აირჩიეს პოლიტსაბჭოს განახლებული შემადგენლობა.

,,ქართული ოცნების“ პოლიტსაბჭოს განახლებულ შემადგენლობაში შედიან:

1. ბიძინა ივანიშვილი
2. ირაკლი კობახიძე
3. კახა კალაძე
4. შალვა პაპუაშვილი
5. მამუკა მდინარაძე
6. გია ვოლსკი
7. თეა წულუკიანი
8. ვახტანგ გომელაური
9. ირაკლი ჩიქოვანი
10. მაკა ბოჭორიშვილი
11. ნიკოლოზ სამხარაძე
12. მარიამ ქვრივიშვილი
13. დიმიტრი სამხარაძე
14. სულხან თამაზაშვილი
15. ნინო წილოსანი