დღეს, 7 მაისს, ბათუმში, 18:00 საათზე დაიწყება საპროტესტო მარში ავტომობილებით. მარშის მონაწილეები ბათუმის დრამატულ თეატრთან შეიკრიბებიან.
ორგანიზატორთა განცხადებით, მარშის მიზანია კიდევ ერთხელ გააჟღეროს საზოგადოებამ თავისი მოთხოვნები, – „გადადგეს „ოცნების“ არალეგიტიმური მთავრობა და ჩატარდეს ახალი არჩევნები“.
მარშის მონაწილეები მხარდაჭერას გამოუცხადებენ სინდისის პატიმრებს.
„მსვლელობის დროს, მოსახლეობას ასევე ვაცნობებთ 8 მაისს ბათუმის სასამართლოში გასამართი მზია ამაღლობლის პროცესის შესახებ, სადაც დაიკითხება ბათუმის მილიციის უფროსი, მოძალადე ირაკლი დგებუაძე.
შემოგვიერთდით!“ – ნათქვამია ორგანიზატორების განცხადებაში.
დღესვე, 19:00 საათზე, საკონსტიტუციო სასამართლოსთან უწყვეტი პროევროპული აქციის მონაწილეები შეიკრიბებიან.
