Batumelebi | მამუკა ღლონტმა მედიას მხარდაჭერისკენ მოუწოდა მამუკა ღლონტმა მედიას მხარდაჭერისკენ მოუწოდა – Batumelebi
RU | GE  

მამუკა ღლონტმა მედიას მხარდაჭერისკენ მოუწოდა

მამუკა-ღლონტმა-მედიას-მხ

ტელეკომპანია “მაესტროს” მაუწყებლობა ცოტა ხნის წინ განახლდა და რამდენიმე წუთში კვლავ გაითშა. მაყურებელს პირდაპირ ეთერში ტელეარხის ერთ–ერთმა დამფუძნებელმა, მამუკა ღლონტმა მიმართა. მან “მაესტროში” მიმდინარე მოვლენებს ოპერაცია “იმედი 2” უწოდა. მისი თქმით, ახლა არის ტელეარხის დახურვის მცდელობა.

როგორც მამუკა ღლონტმა განაცხადა, ის საინფორმაციო გამოშვების სტუდიაში შიგნიდან არის ჩაკეტილი და არ იცის, კიდევ რამდენ ხანს შეძლებს პირდაპირ ეთერში საუბარს. ღლონტის თქმით, ტელეარხის ჟურნალისტები გმობენ ეროსი კიწმარიშვილის ქმედებას და ისინი მხოლოდ “მაესტროს” დამფუძნებლებს ემორჩილებიან. ტელეკომპანიაში შესვლას ამ დრომდე ვერ ახერხებენ იქ მომუშავე სხვა ადამიანები, ისინი ტელეკომპანიის მიმდებარე ტერიტორიაზე არიან შეკრებილნი.

მამუკა ღლონტმა ასევე აღნიშნა, რომ მათფვის ახლა “მნიშვნელოვანია” მედიის მხარდაჭერა, თუმცა, ტელეარხის მაყურებლებს მოუწოდა, თავი შეიკავონ ტელეკომპანიის შენობასთან მისვლისგან. მამუკა ღლონტმა იმედი გამოთქვა, რომ უფლებადამცველები, საერთაშორისო ორგანიზაციები და დიპლომატიური კორპუსი არ მისცემს საშუალებას ეროსი კიწმარიშილს “მაესტრო” ჩაახშოს.

ტელეკომპანიის ეთერში ამ წუთებში საუბრობს ტელეარხის ჟურნალისტი ანა ლაპიაშვილი. მისი თქმით, ტელეარხის შენობაში ამ წუთებში მხოლოდ ჟურნალისტთა ნაწილი იმყოფება და ისინი საშუალებას არ აძლევენ ეროსი კიწმარიშვილს, დაიკავოს ტელეარხის მეორე–მესამე სართულები, საიდანაც ხდება მაუწყებლობა. “მაესტრო” მაუწყებლობას საგანგებო რეჟიმში აგრძელებს.

ტელეკომპანია “მაესტროს” მაუწყებლობა ცოტა ხნის წინ განახლდა და რამდენიმე წუთში კვლავ გაითშა. მაყურებელს პირდაპირ ეთერში ტელეარხის ერთ–ერთმა დამფუძნებელმა, მამუკა ღლონტმა მიმართა. მან “მაესტროში” მიმდინარე მოვლენებს ოპერაცია “იმედი 2” უწოდა. მისი თქმით, ახლა არის ტელეარხის დახურვის მცდელობა.

როგორც მამუკა ღლონტმა განაცხადა, ის საინფორმაციო გამოშვების სტუდიაში შიგნიდან არის ჩაკეტილი და არ იცის, კიდევ რამდენ ხანს შეძლებს პირდაპირ ეთერში საუბარს. ღლონტის თქმით, ტელეარხის ჟურნალისტები გმობენ ეროსი კიწმარიშვილის ქმედებას და ისინი მხოლოდ “მაესტროს” დამფუძნებლებს ემორჩილებიან. ტელეკომპანიაში შესვლას ამ დრომდე ვერ ახერხებენ იქ მომუშავე სხვა ადამიანები, ისინი ტელეკომპანიის მიმდებარე ტერიტორიაზე არიან შეკრებილნი.

მამუკა ღლონტმა ასევე აღნიშნა, რომ მათფვის ახლა “მნიშვნელოვანია” მედიის მხარდაჭერა, თუმცა, ტელეარხის მაყურებლებს მოუწოდა, თავი შეიკავონ ტელეკომპანიის შენობასთან მისვლისგან. მამუკა ღლონტმა იმედი გამოთქვა, რომ უფლებადამცველები, საერთაშორისო ორგანიზაციები და დიპლომატიური კორპუსი არ მისცემს საშუალებას ეროსი კიწმარიშილს “მაესტრო” ჩაახშოს.

ტელეკომპანიის ეთერში ამ წუთებში საუბრობს ტელეარხის ჟურნალისტი ანა ლაპიაშვილი. მისი თქმით, ტელეარხის შენობაში ამ წუთებში მხოლოდ ჟურნალისტთა ნაწილი იმყოფება და ისინი საშუალებას არ აძლევენ ეროსი კიწმარიშვილს, დაიკავოს ტელეარხის მეორე–მესამე სართულები, საიდანაც ხდება მაუწყებლობა. “მაესტრო” მაუწყებლობას საგანგებო რეჟიმში აგრძელებს.

ნეტგაზეთის მასალების სხვა გამოცემებში გადაბეჭდვის წესი
netgazeti.ge