უკრაინის შეიარაღებული ძალების მთავარსარდალმა ოლექსანდრ სირსკიმ განაცხადა, რომ რუსეთმა ფაქტობრივად დაიწყო შეტევა უკრაინაში სუმისა და ხარკოვის რეგიონებზე.
მან მედიასთან განაცხადა, რომ უკვე თითქმის ერთი კვირაა გაორმაგებულია რუსეთის შეტევების რაოდენობა ყველა ძირითადი მიმართულებით.
სირსკის კომენტარს ამ თემაზე წინ უძღოდა უკრაინის პრეზიდენტის ვოლოდიმირ ზელენსკის განცხადება პარიზში ევროპელი ლიდერების შეხვედრისას. კერძოდ, ზელენსკის თქმით, უკრაინის დაზვერვის მონაცემები მიუთითებს იმაზე, რომ რუსეთი ემზადება ახალი შეტევისთვის სუმის, ხარკოვისა და ზაპოროჟიეს რეგიონებზე.
„ისინი [რუსები] აჭიანურებენ მოლაპარაკებებს და ცდილობენ აშშ ჩაითრიონ გაუთავებელ დისკუსიებში ყალბი “პირობების” შესახებ, რათა დრო მოიგონ და შემდეგ კიდევ უფრო მეტი მიწის წართმევა სცადონ“ – თქვა ზელენსკიმ.
ამავე თემაზე:
„უკრაინას უპირატესობა აქვს იარაღის ხარისხში, მომზადებასა და დაზვერვაში“ – ინტერვიუ გენერალთან
