საქართველოს უზენაესმა სასამართლომ „ბათუმელების“ საჩივარი, რომელიც პარლამენტარების მიერ 2010 წელს ბიუჯეტიდან დახარჯული ხარჯების გასაჯაროებას ეხებოდა, დაუშვებლად ცნო. აი, რა წერია ამ სასამართლოს მიერ გამოტანილ განჩინებაში: „საქმე არ არის მნიშვნელოვანი სამართლის განვითარებისა და ერთგვაროვანი სასამართლო პრაქტიკის ჩამოყალიბებისთვის.
საკასაციო სასამართლოს მოსაზრებით, აღნიშნულ საქმეს არ გააჩნია პრინციპული მნიშვნელობა სასამართლო პრაქტიკისთვის, ხოლო საკასაციო საჩივარს – წარმატების პერსპექტივა“.
„ბათუმელებმა“ 2010 წლის 9 ივლისს საქართველოს პარლამენტს სთხოვა, მოეწოდებინა შემდეგი ინფორმაცია: რა თანხა და კონკრეტულად რაში დაიხარჯა ბათუმში ივნისის თვეში პარლამენტარების მივლინებისთვის (დეტალური ხარჯთაღრიცხვა), რა რაოდენობის თანხა იყო 2010 წლის ბიუჯეტში გამოყოფილი პარლამენტის წევრებისა და თანამშრომლების მივლინებისთვის და რა ოდენობის თანხა იქნა ათვისებული 2010 წლის 1 იანვრიდან 2010 წლის 9 ივლისამდე, ვინ, სად და როდის იმყოფებოდა მივლინებაში და რამდენი ლარი დაიხარჯა თითოეულ მათგანზე.
ეს სარჩელი არც თბილისის საქალაქო სასამართლომ დააკმაყოფილა და არც სააპელაციომ. უზენაესი სასამართლოს ადმინისტრაციულ საქმეთა პალატამ – თავმჯდომარემ ნუგზარ სხირტლაძემ, მოსამართლეებმა – ნინო ქადაგიძემ და ლევან მუსერიძემ კი, საერთოდ უარი თქვეს მის განხილვაზე.
„ბათუმელების“ ინტერესებს სამივე სასამართლოში საქართველოს ახალგაზრდა იურისტთა ასოციაცია იცავდა. „ბათუმელები“ ქართული სასამართლოების გადაწყვეტილებას ევროპის ადამიანის უფლებათა სასამართლოში გაასაჩივრებს.
„გაზეთი ბათუმელები“
საქართველოს უზენაესმა სასამართლომ „ბათუმელების“ საჩივარი, რომელიც პარლამენტარების მიერ 2010 წელს ბიუჯეტიდან დახარჯული ხარჯების გასაჯაროებას ეხებოდა, დაუშვებლად ცნო. აი, რა წერია ამ სასამართლოს მიერ გამოტანილ განჩინებაში: „საქმე არ არის მნიშვნელოვანი სამართლის განვითარებისა და ერთგვაროვანი სასამართლო პრაქტიკის ჩამოყალიბებისთვის.
საკასაციო სასამართლოს მოსაზრებით, აღნიშნულ საქმეს არ გააჩნია პრინციპული მნიშვნელობა სასამართლო პრაქტიკისთვის, ხოლო საკასაციო საჩივარს – წარმატების პერსპექტივა“.
„ბათუმელებმა“ 2010 წლის 9 ივლისს საქართველოს პარლამენტს სთხოვა, მოეწოდებინა შემდეგი ინფორმაცია: რა თანხა და კონკრეტულად რაში დაიხარჯა ბათუმში ივნისის თვეში პარლამენტარების მივლინებისთვის (დეტალური ხარჯთაღრიცხვა), რა რაოდენობის თანხა იყო 2010 წლის ბიუჯეტში გამოყოფილი პარლამენტის წევრებისა და თანამშრომლების მივლინებისთვის და რა ოდენობის თანხა იქნა ათვისებული 2010 წლის 1 იანვრიდან 2010 წლის 9 ივლისამდე, ვინ, სად და როდის იმყოფებოდა მივლინებაში და რამდენი ლარი დაიხარჯა თითოეულ მათგანზე.
ეს სარჩელი არც თბილისის საქალაქო სასამართლომ დააკმაყოფილა და არც სააპელაციომ. უზენაესი სასამართლოს ადმინისტრაციულ საქმეთა პალატამ – თავმჯდომარემ ნუგზარ სხირტლაძემ, მოსამართლეებმა – ნინო ქადაგიძემ და ლევან მუსერიძემ კი, საერთოდ უარი თქვეს მის განხილვაზე.
„ბათუმელების“ ინტერესებს სამივე სასამართლოში საქართველოს ახალგაზრდა იურისტთა ასოციაცია იცავდა. „ბათუმელები“ ქართული სასამართლოების გადაწყვეტილებას ევროპის ადამიანის უფლებათა სასამართლოში გაასაჩივრებს.
„გაზეთი ბათუმელები“
