ბათუმში, მეტაქსას ქუჩაზე, იტალიურ ეზოში, სახლის სახურავი ჩაინგრა. შემთხვევა ღამით მოხდა.
როგორც “ბათუმელებს” სახლის მეპატრონემ უთხრა, “სამაშველო დროულად მივიდა და ყველა მცხოვრებლის უსაფრთხოდ გამოყვანა შეძლო”.
ოჯახი ამჟამად ბათუმის მერიისგან ელოდება დახმარებას. მერია ვალდებულია მსგავსი შემთხვევების დროს დაზარალებულ ოჯახებს დაეხმაროს.
რამდენიმე დღეა ბათუმში დიდთოვლობაა.
თოვლის საფარმა ჩაანგრია ბათუმის აეროპორტის შესასვლელი. თითქმის მთელს ქალაქში დაზიანებულია მსუბუქი გადახურვები.
სახურავებიდან თოვლის ცვენა საფრთხეს უქმნის ტროტუარზე ფეხით მოსიარულეებს.
