დღეს, 6 თებერვალს, 21-ე დღეა, რაც ბათუმში დაკარგულ მოზარდს ეძებენ.
მეცხრეკლასელი ალექსანდრე მიქელაძე 2025 წლის 16 იანვრის ღამეს, 22:00 საათის შემდეგ გაუჩინარდა.
ამ დროის განმავლობაში, როგორც საგანგებო სიტუაციების მართვის სამსახურში გვითხრეს, სამძებრო სამუშაოები ზღვაში მიმდინარეობს. მათი ინფორმაციით, ძებნა არ შეწყვეტილა, თუმცა დაკარგული მოზარდის კვალს ამ დრომდე ვერ მიაკვლიეს.
ალექსანდრე მიქელაძე 21 დღის წინ გაუჩინარდა.
ზღვაში სამძებრო სამუშაოები მას შემდეგ დაიწყო, როცა ზღვის სანაპიროზე მოზარდის ჩანთა და ტელეფონი იპოვეს ოჯახის წევრებმა. თუმცა მათივე ინფორმაციით, პოლიცია დაკარგული მოზარდის კვალზე ვერ გავიდა.
___________
ამ თემაზე:
