„საქართველოს უნივერსიტეტმა წამოიწყო გამოწვევა #გაემიჯნე და გამოყოფს 200 000 – ლარიან ფონდს, საიდანაც 1 წლის განმავლობაში ანაზღაურებას მიიღებენ ის თამამი საჯარო სამსახურის თანამშრომლები, რომლებიც საჯაროდ ემიჯნებიან ევროინტეგრაციის პროცესის შეჩერებას და შექმნილი მდგომარეობიდან გამომდინარე მოუწევთ სამსახურის დატოვება,“ – აცხადებს „საქართველოს უნივერსიტეტი“.
ეს უმაღლესი სასწავლებელი იწვევს სხვა კომპანიებს, ამ ინიციატივას შეუერთდნენ და მხარი დაუჭირონ საჯარო სამსახურების გამბედავ თანამშრომლებს.
„ქართული ოცნების“ ანტირუსულ პოლიტიკას ბოლო დღეებში არაერთი საჯარო მოსამსახურე ემიჯნება. გუშინ, 2 დეკემბერს აჭარის ფინანსთა და ეკონომიკის სამინისტროს ნაერთი ბიუჯეტის განყოფილების უფროსი ლელა მიქალაძე გაიფიცა.
___
რა ხდება?
- თბილისში და საქართველოს სხვა ქალაქებში მასობრივი დემონსტრაციები 28 ნოემბერს დაიწყო, როდესაც „ოცნებამ” განაცხადა, რომ აჩერებს ევროკავშირში გაწევრიანების პროცესს 2028 წლამდე.
- 28 ნოემბრის შემდეგ დემონსტრანტები ღამეს ათევენ რუსთაველის გამზირზე, მათ არბევს სპეცდანიშნულების რაზმი, ფიზიკურად უსწორდება და აკავებს მოქალაქეებს, უშვებს წყლის ჭავლს და ცრემლსადენ გაზს.
- ბოლო 5 დღის განმავლობაში დაკავებულია ასობით ადამიანი. არაერთი ადამიანი არის ნაცემი და დასახიჩრებული. ნიღბიანი პირები ინტენსიურად უშვებენ საპროტესტო აქციის მონაწილეების წინააღმდეგ მხუთავ აირს.
