ბათუმის შემოსასვლელში მდინარე ყოროლისწყალზე მდებარე ხიდის რეკონსტრუქციაში, რაშიც 2 წლის წინ ქვეყნის ბიუჯეტიდან 2 მილიონამდე ლარი დაიხარჯა, ამჯერად დამატებით 210 ათასი ლარი დაიხარჯება, ოღონდ ქალაქის ბიუჯეტიდან. ხიდს სავარაუდოდ გააფართოებენ.
თამარის დასახლებაში აღნიშნული ხიდის რეკონსტრუქციამ საცობის პრობლემა ვერ მოაგვარა. მეტიც, არაერთი პირი ამბობს, რომ ხიდის სავალი ნაწილი რეკონსტრუქციის შემდეგ კიდევ უფრო დაავიწროვეს, რის გამოც ხიდს „ძაბრიხიდიც“ კი დაარქვეს და კიდევ უფო დიდი
ვრცლად: გააფართოებენ თუ არა ხიდს ბათუმის შემოსასვლელში – რეაბილიტირებული „ძაბრიხიდი“
2023 წლის ბოლოს მერიის საქალაქო ინფრასტრუქტურისა და კეთილმოწყობის სამმართველოდან მოგვწერეს, რომ სამმართველო „საპატრულო პოლიციის დეპარტამენტთან შეთანხმებით გეგმავდა მდინარე ყოროლისწყალზე მდებარე ხიდის გაფართოებასთან დაკავშირებით შესაბამისი ღონისძიებების გატარებას“.
თუმცა, ქალაქის ბიუჯეტში „მდ. ყოროლისწყლის ხიდის რეკონსტრუქცია“ მხოლოდ დღეს, 2024 წლის 9 აგვისტოს აისახა.
ბიუჯეტში შეტანილი ცვლილებებით უშუალოდ ამ ხიდის რეკონსტრუქციისთვის 210 ათას 334 ლარია გამოყოფილი. ცვლილებები ქალაქის საკრებულომ დღეს დაამტკიცა.
საკრებულოს სხდომაზე ოპოზიციამ კიდევ ერთხელ ისაუბრა ქალაქში არსებული საცობების პრობლემაზე. ქალაქის მერიას და აჭარის მთავრობას ამ პრობლემის მოგვარების კონკრეტული გეგმა არ აქვს.
ზოგადად საცობები მხოლოდ ბათუმის შემოსასვლელის, ანუ თამარის დასახლებისა და მახინჯაურის პრობლემა კარგა ხანია აღარ არის, უბრალოდ, ქალაქის შემოსასვლელ-გასასვლელში ეს პრობლემა ყველაზე მწვავედ დგას.
_____
თემაზე ვრცლად:
