Batumelebi | 42 ათასი ლარი ანიმაციური ფილმების ფესტივალისთვის 42 ათასი ლარი ანიმაციური ფილმების ფესტივალისთვის – Batumelebi
RU | GE  

42 ათასი ლარი ანიმაციური ფილმების ფესტივალისთვის

ანიმაციური ფილმების საერთაშორისო ფესტივალზე წელს 12 სეანსი გაიმართება – 9 ბათუმში, ხოლო თითო სეანსი ქობულეთში, ხელვაჩაურსა და ხულოში.

აჭარის განათლების, კულტურისა და სპორტის სამინისტრომ ანიმაციური ფილმების ფესტივალის ორგანიზებისათვის ტენდერი უკვე გამოაცხადა. სამინისტროს ფესტივალისთვის 42 373 ლარი აქვს გამოყოფილი.

ფესტივალის ფარგლებში ანიმაციური ფილმების კონკურსი, ჩვენებები და ვორკშოფები მოეწყობა.

როგორც სატენდერო დოკუმენტში ვკითხულობთ, ფესტივალის ორგანიზატომა უნდა უზრუნველყოს, კონკურსის შესარჩევ ნაწილში, 40 ქვეყნის, არანაკლებ 200 ანიმაციური ფილმის მიღება-განხილვა. შესარჩევი ნაწილიდან საკონკურსოდ უნდა აირჩეს მინიმუმ ოცი ქვეყნის საშუალოდ 80 ფილმი, ხუთ სხვადასხვა კატეგორიაში. საკონკურსო ფილმები გადაღებული უნდა იყოს 2015-2016 წლებში.

ანიმაციური ფილმების საერთაშორისო ფესტივალი 25 ოქტომბრამდე უნდა ჩატარდეს, თუმცა დაწყების თარიღი ჯერ უცნობია. გასულ წლებში ფესტივალი, ოქტომბრის დასაწყისში ტარდებოდა.

ტენდერში მონაწილეობა შეუძლიათ ორგანიზაციებს, რომლებსაც გააჩნიათ მინიმუმ ორი საერთაშორისო ფესტივალის ორგანიზების გამოცდილება და თითოეული, არანაკლებ 20 უცხო ქვეყნის ანიმაციური ფილმების მონაწილეობით.

სატენდერო განაცხადების მიღების ბოლო ვადაა 24 აგვისტო.

ნეტგაზეთის მასალების სხვა გამოცემებში გადაბეჭდვის წესი
ავტორი
ირმა დიმიტრაძე არის გაზეთ "ბათუმელების" რეპორტიორი 2016 წლიდან