Batumelebi | ბათუმში აქციაზე ერთი პირი დააკავეს [ფოტო-ვიდეო] ბათუმში აქციაზე ერთი პირი დააკავეს [ფოტო-ვიდეო] – Batumelebi
ნეტგაზეთი • RU

ბათუმში აქციაზე ერთი პირი დააკავეს [ფოტო-ვიდეო]

დღეს, 4 აგვისტოს, ბათუმში, მოქალაქეთა პოლიტიკურმა გაერთიანებამ – „ჩვენი სამშობლო“ საპროტესტო აქცია გამართა. აქცია დილით, 11 საათზე ევროპის მოედანზე დაიწყო და მოგვიანებით „ერთიანი ნაციონალური მოძრაობის“ ბათუმის ოფისთან გადმოინაცვლა. მონაწილეთა მოთხოვნა „ენმ-ს აკრძალვა, ხოლო მისი წარმომადგენლების, როგორც სისხლისმღვრელი რეჟიმის შემქმნელების დასჯა“ იყო.

აქცია წინასწარ იყო დაანონსებული, მათ შორის ისიც, რომ აქციის მონაწილეები  გეგმავდნენ ენმ-ს ბათუმის ოფისის წინ მიხეილ სააკაშვილისა და ფეტულა გიულენის ფიტულების დაწვას. როგორც ენმ-ს მაჟორიტარი დეპუტატობის კანდიდატი გიორგი კირთაძე „ბათუმელებთან“ აღნიშნავს, მათ 12 საათისთვის გააფრთხილეს საპატრულო პოლიცია. შსს-ში კი ამბობენ, რომ საპატრულო პოლიცია აქციის შესახებ ბათუმის მერიამ გააფრთხილა.

ენმ-ს ოფისთან შეკრებილები იყვნენს „ნაციონალური მოძრაობის“ მხარდამჭერებიც. „ჩვენი სამშობლოსა“ და „ნაციონალური მოძრაობის“ წარმომადგენლებს შორის სიტყვიერი შეურაცხყოფა ფიზიკურ დაპირისპირებაშიც გადაიზარდა, თუმცა არ არიან დაშავებულები. აქციის მონაწილეებმა მიხეილ სააკაშვილის და ფეტულა გიულენის ფიტულები დემონსტრაციულად დაწვეს და ენმ-ს წევრებს ცეცხლის ჩაქრობის საშუალება არ მისცეს.

მოგვიანებით ცეცხლი საპატრულო პოლიციამ ჩააქრო.

შსს-ს ინფორმაციით, დაკავებულია აქციის ერთი მონაწილე, წვრილმანი ხულიგნობისა და პოლიციისათვის დაუმორჩილებლობის ბრალდებით, ადმინსტრაციული წესით [ადმინისტრაციულ სამართალდარღვევათა კოდექსის 166-ე და 173-ე მუხლები].

გიორგი კირთაძე აცხადებს, რომ ამ დრომდე არსებული ინფორმაციით ენმ-ს მხარდამჭერთა მხრიდან არ არიან დაკავებულები.  მოქალაქეთა პოლიტიკური გაერთიანება – „ჩვენი სამშობლო“ კი ადასტურებს, რომ დაკავებულია პარტიის ერთი მხარდამჭერი გია მახარაძე.

აქციის მონაწილეებმა ევროპის მოედანზე გადაინაცვლეს. აქციას ესწრებოდა ტრისტან წითელაშვილი, რომელიც ყოფილი სამხედროა. პოლკოვნიკი წითელაშვილი 2008 წლის აგვისტოს ომის შემდეგ სამშობლოს ღალატისთვის გაასამართლეს და პატიმრობა მიუსაჯეს, თუმცა ხელისუფლებაში „ქართული ოცნების“ მოსვლის შემდეგ, მან ციხე დატოვა.

DSCN1216

აქცია ევროპის მოედანზე / ფოტო: როინ გუნდაძე

DSCN1223

აქცია ენმ-ს ბათუმის ოფისთან / ფოტო: როინ გუნდაძე

აქცია ენმ-ს ბათუმის ოფისთან / ფოტო: როინ გუნდაძე

აქცია ენმ-ს ბათუმის ოფისთან / ფოტო: როინ გუნდაძე

აქცია ენმ-ს ბათუმის ოფისთან / ფოტო: როინ გუნდაძე

აქცია ენმ-ს ბათუმის ოფისთან / ფოტო: როინ გუნდაძე

აქცია ენმ-ს ბათუმის ოფისთან / ფოტო: როინ გუნდაძე

აქცია ენმ-ს ბათუმის ოფისთან / ფოტო: როინ გუნდაძე

აქცია ენმ-ს ბათუმის ოფისთან / ფოტო: როინ გუნდაძე

ნეტგაზეთის მასალების სხვა გამოცემებში გადაბეჭდვის წესი
როინ გუნდაძე, ირმა დიმიტრაძე