აჭარის ფინანსთა და ეკონომიკის მინისტრს ორი ახალი მოადგილე ჰყავს.
მინისტრის ერთ-ერთ მოადგილედ უჩა სურმანიძე დაინიშნა. მთავრობის ინფორმაციით, ის პროფესიით ეკონომისტია მუშაობის 10-წლიანი გამოცდილება აქვს. ბოლოს ის სოფლის მეურნეობის სამინისტროში მოადგილის თანამდებობაზე მუშაობდა.
ასევე, მინისტრის მოადგილის თანამდებობაზე დაინიშნა მამუკა თურმანიძე, აჭარის გზების დეპარტამენტის ყოფილი უკვე ყოფილი ხელმძღვანელი. მამუკა თურმანიძე პროფესიით იურისტია.
ახალი ხელმძღვანელი წარუდგინეს აჭარის საავტომობილო გზების დეპარტამენტის თანამშრომლებსაც. დეპარტამენტი გიორგი ცინარიძეს ჩააბარეს.
გიორგი ცინარიძე. ფოტო: აჭარის მთავრობა
ცოტა ხნის წინ აჭარის ფინანსთა და ეკონომიკის მინისტრის თანამდებობა დატოვა სულხან ღლონტმა. „ბათუმელების“ კითხვაზე, მისი წასვლა ხომ არ უკავშირდებოდა რუსულ კანონს, აჭარის ფინანსთა და ეკონომიკის მინისტრის უკვე ყოფილმა მოადგილემ გვითხრა, რომ არა.
ასევე, გავრცელდა ინფორმაცია, რომ თანამდებობა დატოვა მინისტრის კიდევ ერთმა მოადგილემ, გიორგი სურმანიძემ. თავად სურმანიძე ტელეფონს არ პასუხობს, სამინისტროში კი ეს ინფორმაცია არ დაადასტურეს.
ახალი მოადგილეები დღეს, 11 ივნისს სამინისტროს თანამშრომლებს აჭარის მთავრობის თავმჯდომარემ, თორნიკე რიჟვაძემ წარუდგინა.
_____________________
მთავარ ფოტოზე: მამუკა თურმანიძე, უჩა სურმანიძე და ოთარ დიასამიძე. ფოტო: აჭარის მთავრობა
![ვის [არ] შეხვდა ზურაბ პატარაძე აჭარაში „ოცნების“ მთავრობის თავმჯდომარედ დაბრუნების შემდეგ](https://batumelebi.netgazeti.ge/wp-content/uploads/2026/06/pataradze-kaveri.jpg)
