სიახლეები

დაფიონი: ყოველდღე გვატერორებენ მთავრობის დაქირავებული მოძალადე ზონდერ-კრიმინალები

16.05.2024 •
დაფიონი: ყოველდღე გვატერორებენ მთავრობის დაქირავებული მოძალადე ზონდერ-კრიმინალები

ახალგაზრდული მოძრაობა „დაფიონი“ აცხადებს, რომ მათი გუნდის წევრებს ყოველდღიურად ატერორებენ. ამის შესახებ „დაფიონი“ ფეისბუქზე წერს.

„დაფიონის გუნდის წევრებს ყოველდღე გვატერორებენ მთავრობის მიერ დაქირავებული მოძალადე ზონდერ-კრიმინალები!

როგორც ჩანს, ჩვენი პატრიოტული მუხტის და შიშველი ხელების ეშინიათ. აღსანიშნავია, რომ დაფიონის გაჩერება ან არ გაჩერება „რუსული ოცნებისთვის“ ვერ შეცვლის ვერაფერს, რადგან ჩვენ უკვე მოვასწარით ერის გაღვიძება და გაერთიანება, დღესდღეობით ხალხი დამოუკიდებლად აპროტესტებს, ამიტომ ჩვენზე ნადირობას არანაირი აზრი არ აქვს; ჩვენ ინფორმაციული ომი უკვე მოგებული გვაქვს, ამ ბრძოლასაც მოვიგებთ, რადგან ერი უკვე გაღვიძებული და გაერთიანებულია და ამ ერთიანობის მუხტს ვერავინ ვეღარ შეაჩერებს.

ქართველებო არ მოდუნდეთ! ამ ბრძოლის მოსაგებად მთავარი იარაღი თქვენი ერთიანობა და სიმტკიცეა, არ შეგეშინდეთ და არ გაუშვათ ერთმანეთს ხელი! ერთიანობით აუცილებლად გავიმარჯვებთ“ – წერს „დაფიონი“.

ახალგაზრდული მოძრაობა „დაფიონი“ საქართველოს პრემიერ-მინისტრმა ირაკლი კობახიძემ პირველ მაისს „ძალადობრივ ჯგუფებს“ შორის მოიხსენია „ჯენზისთან“ ერთად.

„დაფიონის“ერთ-ერთ თანადამფუძნებელის, 18 წლის  ზვიად ცეცხლაძის მამას, ზურა ცეცხლაძეს შვილის უსაფრთხოებით დაემუქრნენ.

გადაბეჭდვის წესი


ასევე: