Batumelebi | ერთიანი ეროვნული გამოცდები 2016 დასრულდა ერთიანი ეროვნული გამოცდები 2016 დასრულდა – Batumelebi

ერთიანი ეროვნული გამოცდები 2016 დასრულდა

დღეს, 22 ივლისს, აბიტურიენტებმა ერთიანი ეროვნული გამოცდა ბოლო საგანში, ფიზიკაში ჩააბარეს. ამით ერთიანი ეროვნული გამოცდები 2016 დასრულდა.

შეფასებისა და გამოცდების ეროვნული ცენტრის დირექტორის მოადგილის, ივა მინდაძის ინფორმაციით, წელს რეგისტრირებული იყო 38 500 აბიტურიენტი, აქედან გამოცდაზე, დაახლოებით 97 % გამოცხადდა. მისივე ინფორმაციით, წელს ერთიანმა ეროვნულმა გამოცდებმა ხარვეზების გარეშე ჩაიარა.

რაც შეეხება ნაწილობრივ ელექტრონული ფორმატის გამოყენებას გამოცდებზე, რაც წელს პირველად მოხდა, ივა მინდაძე მიიჩნევს, რომ ამ მეთოდმა გაამართლა. „რაიმე ისეთი ხარვეზები არ ყოფილა, რასაც შეიძლება გამოცდების ჩატარებისთვის ხელი შეეშალა“, – ამბობს NAEC-ის დირექტორი და იქვე განმარტავს, რომ იმ აბიტურიენტებს, რომელთაც გამოცდაზე დააგვიანეს ან არ გამოცხადნენ ობიექტური მიზეზების გამო, წელს გამოცდაზე ხელმეორედ გასვლის საშუალება არ მიეცათ.

როგორც შეფასებისა და გამოცდების ეროვნულ ცენტრში აცხადებენ, გამოცდების შედეგები ეტაპობრივად, შემდეგი კვირიდან გამოქვეყნდება.

ნეტგაზეთის მასალების სხვა გამოცემებში გადაბეჭდვის წესი
ნაზი ბერიძე