მთავარი,სიახლეები

ბათუმში გაჩერებაზე მყოფ 2 ადამიანს ავტომანქანა დაეჯახა

07.02.2024 • 6145
ბათუმში გაჩერებაზე მყოფ 2 ადამიანს ავტომანქანა დაეჯახა

დღეს, 7 თებერვალს, ბათუმში, აბუსერიძის ქუჩაზე, ავტოსაგზაო შემთხვევის შედეგად ორი ადამიანი დაშავდა.

ავტომანქანა ტროტუარზე, გაჩერებაზე მყოფ პირებს დაეჯახა და ერთ-ერთი კაფეს კედელიც დააზიანა.

დაშავებულები კლინიკა „ბაუში“ არიან გადაყვანილნი. როგორც კლინიკაში „ბათუმელებს“ უთხრეს, ავარიის შედეგად დაშავდნენ 47 წლის ქალი და 54 წლის კაცი, „რომლებსაც აღენიშნებათ კიდურების მრავლობითი მოტეხილობები და დაზიანებული აქვთ შიდა ორგანოები“.

დაშავებულებს ოპერაცია უტარდებათ.

შსს-ს ინფორმაციით, გამოძიება დაწყებულია სსკ-ის 276-ე მუხლით, რაც სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის ჯანმრთელობის მძიმე დაზიანება გამოიწვია.

გადაბეჭდვის წესი


ასევე: