განათლება,მთავარი,სიახლეები

სკოლებში უფასო კვებისთვის აკაკიმ და გიორგიმ დიდი ძალისხმევა გაიღეს – პედაგოგები დაკავებულებზე

29.01.2024 • 14017
სკოლებში უფასო კვებისთვის აკაკიმ და გიორგიმ დიდი ძალისხმევა გაიღეს – პედაგოგები დაკავებულებზე

მასწავლებლების ნაწილი აკაკი ჩიქობავასა და გიორგი ხასაიას, რომელთაც სასამართლომ წინასწარი პატიმრობა შეუფარდა, სოლიდარობას უცხადებს.

გთავაზობთ პედაგოგების წერილს, რომელიც დღეს, 29 იანვარს გავრცელდა.

„საზოგადოებისთვის ცნობილია, რომ 23 იანვარს თბილისში, კეკელიძის ქუჩაზე მცხოვრები ოჯახის გამოსახლებას იქ შეკრებილი ადამიანები სამართლიანად უწევდნენ წინააღმდეგობას. აღსრულების პოლიციის წარმომადგენელთა მხრიდან გადამეტებულად აგრესიული მეთოდების გამოყენებას ბუნებრივად მოჰყვა იქ შეკრებილ მოქალაქეთა მხრიდან თავდაცვის მცდელობა.

ამ დღეს პოლიციამ დააკავა ოჯახისთვის სოლიდარობისა და თანადგომის გამოსაცხადებლად მისული აკაკი ჩიქობავა და გიორგი ხასაია, რომელთაც აღსრულების ბიუროს მანქანის დაზიანებისთვის თავისუფლების აღკვეთა სამიდან ექვს წლამდე ემუქრებათ.

კაკო ჩიქობავა და გიორგი ხასაია ახალგაზრდა მეცნიერები და მკვლევრები არიან, რომელთა პროფესიული საქმიანობა და სამოქალაქო პოზიცია ორიენტირებულია საზოგადოებრივი სიკეთის შექმნისკენ. ამავე დროს, ისინი არიან მოძრაობა „ხმის“ დამფუძნებლები.

მოძრაობა „ხმა“ ბოლო წლებში მუდმივად რეაგირებს ჩვენი საზოგადოებისთვის მნიშვნელოვან სხვადასხვა სოციალურ საკითხზე. მათი ერთ-ერთი ცენტრალური სამუშაო მიმართულება უფასო სასკოლო კვების უზრუნველყოფაა. ამ საკითხის კვლევისა და საზოგადოებრივ დისკურსში აქტუალიზებისთვის მოძრაობის წევრებმა, მათ შორის აკაკიმ და გიორგიმ, დიდი ძალისხმევა გაიღეს. ბოლო წლებია ისინი თავდაუზოგავად იბრძვიან საქართველოს სკოლებში უფასო სასკოლო კვების მისაღწევად.

სკოლებში უფასო სასკოლო კვების შემოღება, რომელიც დღეს უკვე ახლო პერსპექტივად გვესახება, ქმნის განათლების სისტემის ფუნდამენტურად გაჯანსაღების წინაპირობას. ეს რეალობა კი, მოძრაობა „ხმის” და კონკრეტულად გიორგი ხასაიას და აკაკი ჩიქობავას შრომის და ძალისხმევის შედეგია.

შესაბამისად, ჩვენი, როგორც მასწავლებლების, ვალია სოლიდარობა გამოვუცხადოთ მათ მაშინ, როცა ეს სასიცოცხლოდ აუცილებელია. ჩვენ, პედაგოგებს, გვეკისრება სამართლიანობისა და სოლიდარობის პრინციპების დაცვის დიდი პასუხისმგებლობა, განსაკუთრებით ამგვარ კრიტიკულ დროს. მიუხედავად იმისა, რომ შესაძლოა, აკაკისა და გიორგის ყველა პირადად არ ვიცნობდეთ, ჩვენი მათდამი სოლიდარობა უნდა აღემატებოდეს პირადი ნაცნობობის პრინციპს.

მათდამი ურყევი მხარდაჭერა გამომდინარეობს ჩვენი, მასწავლებლების, კოლექტიური მოვალეობიდან – გავაძლიეროთ და დავიცვათ თანასწორობის, ეთიკური და მორალური სამართლიანობის პრინციპები საზოგადოებაში. ამგვარი დაუმორჩილებლობის აქტები, მიუხედავად სადავოობისა, ხშირად ხაზს უსვამს სისტემური ცვლილებების აუცილებლობას – საჭიროებას, რომელსაც ჩვენ, როგორც სოციალური ეთიკის დამცველები ვერ უგულებელვყოფთ.

სწორედ ახლა დგას ის მომენტი, როდესაც ყველაზე კარგად ჩანს პრაქტიკაში განათლების ის მიზნები, რომლებისთვისაც ვიბრძვით, მიუხედავად მიზერული ხელფასებისა და ყველა იმ ჩაგვრის ფორმებისა, რომლებსაც მასწავლებლები, მოსწავლეები, მშობლები და სკოლის თანამშრომლები ყოველდღიურად ვუპირისპირდებით. ამ სისტემაში სწორედ სოლიდარობით ვპოულობთ საერთო ძალასა და ხმას“, – წერენ პედაგოგები.

ამავე წერილში ნათქვამია, რომ საკამათოა სისხლის სამართლის ის მუხლი, რომლის დარღვევას აკაკი ჩიქობავასა და გიორგი ხასაიას ედავებიან, „ყოველგვარი კონტექსტისა და 23 იანვარს კეკელიძის ქუჩაზე განვითარებული მოვლენების ხასიათის გაუთვალისწინებლად“.

„ხოლო მათ მიმართ აღკვეთის ღონისძიებად წინასწარი პატიმრობის გამოყენება სრულიად არალოგიკური და საღ აზრს მოკლებულია“, – წერენ პედაგოგები.

„ეს მაშინ, როცა ჩვენ ვხედავთ, რომ ხშირად წინასწარი პატიმრობის აღკვეთის ღონისძიებად გამოყენება არ ხდება იმ ადამიანების მიმართ, რომლებიც რეალურად ძალადობრივ დანაშაულში არიან ბრალდებულები.

ამდენად, იმედი გვაქვს, რომ სააპელაციო სასამართლო გაითვალისწინებს არსებულ კონტექსტს, გიორგი ხასაიასა და აკაკი ჩიქობავას მიერ საზოგადოებრივი სიკეთის უზრუნველსაყოფად წლების განმავლობაში გამოჩენილ ძალისხმევას, ხოლო შემდგომში პროკურატურაც გამოიჩენს გონიერებას და შეწყვეტს სისხლისსამართლებრივ დევნას მათ მიმართ.

მოვითხოვთ, შეწყდეს მოძრაობის წევრების დევნა და მიეცეთ მათ შესაძლებლობა, დაუბრუნდნენ თავიანთ აკადემიურ სივრცეებს და განაგრძონ ბრძოლა უფასო სასკოლო კვებისა და საზოგადოებისთვის სასარგებლო სხვა საჭიროებებისთვის“, – ნათქვამია პედაგოგების განცხადებაში.

  1. გუგა დუდუჩავა
  2. ლიკა ჭყონია
  3. გვანცა შიშინაშვილი
  4. თორნიკე შევარდნაძე
  5. ანანო სიხარულიძე
  6. მარინე გოგნელაშვილი
  7. ნიკა მაღლაფერიძე
  8. თეო გლურჯიძე
  9. ავთანდილ ძამაშვილი
  10. ეკატერინე ბერიანიძე
  11. დარეჯან თოდუა
  12. ლალი ჭეშმარიტაშვილი
  13. თამარ ჩხიკვაძე
  14. მარიტა გვარამია
  15. ელენე ტაბატაძე
  16. ლალი ასლამაზაშვილი
  17. ია დოჭვირი
  18. ლაშა ჩალაძე
  19. გულადი ქანთარია
  20. გიორგი ბაგრატიონი
  21. გიორგი ჯავახაძე
  22. ზაქარია ქიტიაშვილი
  23. ირა ძირკვაძე
  24. საბა ქირია
  25. გიორგი ჯავახიშვილი
  26. ვეფხვია მანია
  27. გიორგი არქანია
  28. გიორგი სოფრომაძე
  29. ანა ქათამაძე
  30. ქრისტინა ღონღაძე
  31. სოფია ბაჩილავა
  32. გიორგი ჭანტურია
  33. ირინა ჯვარშეიშვილი
  34. თემო სუყაშვილი
  35. ლუიზა მირუაშვილი
  36. გიორგი ღვინჯილია
  37. დავით შელია
  38. რუსუდან ხავთასი
  39. თამთა მამალაშვილი
  40. შორენა ტაბატაძე
  41. ანუკა მორგოშია
  42. მართა მელიქიძე
  43. ნუგზარ სადიკოვი
  44. თამარ ცანავა
  45. ქეთი ენდელაძე
  46. გუჯი გოგობერიშვილი
  47. მირანდა კაპანაძე
  48. ნინო ჭიაბრიშვილი
  49. ანა კინწურაშვილი
  50. ია მღებრიშვილი
  51. ბაია ბოლქვაძე
  52. ესმა ჩიხლაძე
  53. ქეთი ამირხანაშვილი
  54. ნინო მაისურაძე

გადაბეჭდვის წესი


ასევე: