„გზა ყველა მიმართულებით ეტაპობრივად გაიწმინდება, მიმდინარეობს სამუშაოები,“ – მოგვწერეს აჭარის გზების დეპარტამენტის პრესცენტრიდან, სადაც დღეს, 28 იანვარს აჭარის მაღალმთიან სოფლებში ტრანსპორტით გადადგილების შესახებ ვიკითხეთ.
აჭარის გზების დეპარტამენტის ინფორმაციით, ტრანსპორტის გადაადგილების პრობლემა აჭარის სოფლებში არ არსებობს.
ხულოს სხვადასხვა სოფელში მცხოვრები ადამიანების ინფორმაციით კი, შიდასასოფლო გზები არ გაწმენდილა და მხოლოდ მაღალი გამავლობის მანქანები გადაადგილდებიან. პრობლემაა საზოგადოებრივი ტრანსპორტი, რაც ზოგიერთ შემთხვევაში მიკროავტობუსია და გაუწმინდავ, თოვლიან გზაზე ვერ მოძრაობს.
ხულო, სოფელი ბეღლეთი / 28.01.2024
რასაც მოქალაქეები გვწერენ, დაგვიდასტურეს ხულოს მერიაშიც: „მაღალი გამავლობის ავტომობილებით გადაადგილება ყველა მიმართულებით შესაძლებელია“, – მოგვწერეს ხულოს მერიის პრესცენტრიდან.
აქ უპასუხოდ დატოვეს შეკითხვა: ხულოს რამდენ სოფელში არსებობს საზოგადოებრივი ტრანსპორტის პრობლემა და როდის მოგვარდება?
სინოპტიკოსებით პროგნოზით 29 იანვარს აჭარის მთიან რაიონებში მცირე თოვა, 30 იანვრიდან კი, ძირითადად უნალექო ამინდია მოსალოდნელი.
ამავე თემაზე:
როგორი უნდა იყოს ზამთრის საბურავი – მთავრობამ კრიტერიუმები დაადგინა
