მთავარი,სიახლეები

როდის ჩაურიცხავენ დასაქმებულ სოცდაუცველებს ხელფასს – დასაქმების სააგენტოს პასუხი

27.01.2024 • 4741
როდის ჩაურიცხავენ დასაქმებულ სოცდაუცველებს ხელფასს – დასაქმების სააგენტოს პასუხი

„რაც დავსაქმდით, ხელფასს მუდმივად 15-ში ვიღებდით, მაქსიმუმ 20-მდე გვერიცხებოდა, იანვრის ხელფასი ჯერ არ მოუციათ,“ – სხვადასხვა მუნიციპალიტეტში დასაქმებულმა სოცდაუცველებმა „ბათუმელებს“ უთხრეს, რომ იანვრის ხელფასი დაუგვიანეს, ხოლო სოციალური მომსახურების სააგენტოსა და ცხელ ხაზზე კონკრეტული პასუხი ვერ მიიღეს.

საზოგადოებრივ სამუშაოების პროგრამის ფარგლებში დასაქმებული სოციალურად დაუცველი ადამიანების ხელფასი თვეში 300 ლარია.

„საზოგადოებრივი სამუშაოების პროგრაში ჩართულ მოქალაქეებს, 2024 წლის მიმდინარე თვის სახელფასო ანაზღაურება 30 იანვარს ჩაერიცხებათ,“ – აღნიშნულია განცხადებაში, რომელიც დასაქმების სააგენტომ დღეს, 27 იანვარს გაავრცელა.

რატომ დაუგვიანეს სოციალურად დაუცველებს ხელფასი? – საქართველოს ჯანდაცვის სამინისტროს პრესცენტრში მხოლოდ ის გვითხრეს, რომ „ტექნიკური ხარვეზი ჰქონდათ“.

———————–

სოციალურდ დაუცველ ადამიანებს საქართველოში 2022 წლიდან ასაქმებენ. დასაქმებულების ნაწილმა „ბათუმელებს“ უთხრა, რომ ისინი „ქართულ ოცნებასთან“ დაახლოვებული არიან, ან მმართველი პარტიის კოორდინატორები იყვნენ წინა არჩევნებზე. საქართველოს ჯანმრთელობის და სოციალური დაცვის სამინისტროს მონაცემებით, 2023 წლის დეკემბრის მდგომარეობით, სულ 33 ათასი სოცდაუცველია დასაქმებული.

დასაქმების ეს პროგრამა 2024 წლის არჩევნების შემდეგ, 2025 წლის გაზაფხულზე დასრულდება.

სოციალური მომსახურების სააგენტოს ინფორმაციით, „დასაქმების სახელმწიფო სააგენტო აქტიურად მუშაობს სოციალურად დაუცველებთან და სხვა დასაქმების მაძიებლებთან იმისთვის, რომ მათთვის მოხდეს ღია შრომის ბაზარზე არსებული ვაკანსიების შეთავაზება“.

ფოტო: დასაქმებული სოციალურად დაუცველები, ქედა, სოფელი ზვარე. ფოტო „ბათუმელების“ არქივიდან,

ამ თემაზე:

„ოცნების კოორდინატორი ვარ“ – 30 ათასი სოცდაუცველის დასაქმების სქემა წინასაარჩევნოდ 

გადაბეჭდვის წესი