მთავარი,სიახლეები

10 მილიარდერი ქალი „ფორბსის“ სიიდან

25.01.2024 • 3499
10 მილიარდერი ქალი „ფორბსის“ სიიდან

ცნობილი გამოცემა „ფორბსის“ თანახმად, 2023 წლის მონაცემებით, მსოფლიოში 400-ზე მეტი მილიარდერი ქალია. არც ერთი მათგანი არ შედის მსოფლიოს უმდიდრესი ადამიანების პირველ ათეულში, თუმცა პირველ ოცეულში 3 მილიარდერი ქალია.

„ფორბსის“ მილიარდერი ქალების 2023 წლის პირველი ათეული ასე გამოიყურება:

  1. ფრანსუაზა ბეტანკურ-მეიერსი და მისი ოჯახი – საფრანგეთის მოქალაქე, პირველი ქალი მსოფლიოში, რომლის ქონება 100 მილიარდ დოლარს აღწევს, ცნობილი პარფიუმერული კომპანიის, L’Oreal-ის დამფუძნებლის მემკვიდრე. ფლობს L’Oreal-ის 34,7 პროცენტს, 2018 წელს, მას შემდეგ, რაც მოვიდა ფრანგული L’Oreal-ის სათავეში, მისი ქონება 42 მილიარდიდან 94.7 მლრდ-მდე გაიზარდა.
  2. ჯულია კოხი და მისი ოჯახი – აშშ-ის მოქალაქე, Koch Industries-ის 42%-იანი წილის მფლობელი შვილებთან ერთად. „ფორბსის“ ბოლო მონაცემებით, ფლობს 59 მლრდ დოლარს. Koch Industries აშშ-ში სიდიდით მეორე კორპორაცია. მისი შვილობილი კომპანიები მონაწილეობენ ნავთობის, ქიმიკატების, ენერგიის, ბოჭკოების, მინერალების და ა.შ. ინვესტიციების წარმოებაში, გადამუშავებასა და დისტრიბუციაში.
  3. ელის უოლტონი – აშშ-ის მოქალაქე. Walmart-ის ქსელის თანამფლობელი. მისი ქონება 56.7 მლრდ დოლარს შეადგენს. იგი Walmart-ის ქსელის დამფუძნებლის ერთადერთი ქალიშვილია, ძმებისგან განსხვავებით არ არის ჩართული კომპანიის საქმიანობაში, დაკავებულია ხელოვნებით, გახსნა ამერიკული ხელოვნების მუზეუმი მშობლიურ ქალაქ ბენტონვილში, არკანზასის შტატში.
  4. ჟაკლინ მარსი – აშშ-ის მოქალაქე, საკონდიტრო კომპანია „მარსის“ მესამედის მფლობელი, „მარსის“ დამაარსებლის შვილიშვილი. მისი ქონება ბოლო მონაცემებით 38.3 მლრდ დოლარს შეადგენს.
  5. მირიამ ადელსონი და მისი ოჯახი– აშშ-ის მოქალაქე, კაზინო და კომპანია Las Vegas Sands-ის ყოფილი თავმჯდომარის, შელდონ ადელსონის ქვრივი. მისი ქონება 33.1 მლრდ დოლარს შეადგენს. ის და მისი ოჯახი ფლობენ ნიუ-იორკის საფონდო ბირჟაზე აზარტული თამაშების იმპერიის ნახევარზე მეტს.
  6. რაფაელა აპონტე-დიამანტი – შვეიცარიის მოქალაქე. ის და მისი მეუღლე ჯანლუიჯი ფლობენ 50%-50-პროცენტიან წილებს MSC-ში, მსოფლიოში უდიდეს საზღვაო გადაზიდვების ხაზში. რაფაელა აპონტე-დიამანტის ქონება ამჟამად 30.8 მლრდ დოლარს შეადგენს. „ფორბსის“ ცნობით, რაფაელამ ქმარი, ჯანლუიჯი, გაიცნო იტალიის კუნძულ კაპრიზე მოგზაურობისას 1960-იან წლებში, როდესაც ჯანლუიჯი გემის კაპიტანი იყო. ისინი ერთად შევიდნენ საზღვაო ინდუსტრიაში 1970 წელს, როდესაც იყიდეს გემი სესხით – 200,000 აშშ დოლარით.
  7. სიუზან კლატენი – გერმანიის მოქალაქე. ფლობს ავტომწარმოებელი BMW-ს დაახლოებით 19%-ს. მისი ქონება ბოლო ათი წლის განმავლობაში დაახლოებით 10 მლრდ დოლარით გაიზარდა და ამჟამად 23 მლრდ-ს შეადგენს. მისი ძმა, სტეფან კვანდტი, ფლობს BMW-ს თითქმის 24 პროცენტს.
  8. ჯინა რაინჰარტი – ავსტრალიის ყველაზე მდიდარი მოქალაქე, რომლის ქონებაც 27 მლრდ დოლარს შეადგენს. არის სამთო მაგნატი და ავსტრალიის სიდიდით მეორე მსხვილფეხა რქოსანი პირუტყვის მწარმოებელი მთელი ქვეყნის მასშტაბით. ჯინა რაინჰარტი არის რკინის მადნის მკვლევრის შვილი, მან გარდაცვლილი მამის ფინანსურ პრობლემებში მყოფი კომპანია აღადგინა და 1992 წელს გახდა მისი აღმასრულებელი თავმჯდომარე.
  9. მაკკენზი სკოტი – აშშ-ის მოქალაქე. ქველმოქმედი, Amazon-ის დამფუძნებლის ჯეფ ბეზოსის ყოფილი ცოლი. „ფორბსის“ 2023 წლის მონაცემებით, მისი ქონება 24.4 მლრდ დოლარს შეადგენდა, თუმცა ამავე გამოცემის ბოლო მონაცემების თანახმად, 2024 წლის 25 იანვარს მაკკენზი სკოტის ქონება უკვე 42 მილიარდს შეადგენს.
  10. ირის ფონტბონა და მისი ოჯახი – ჩილეს მოქალაქე. ანდრონიკო ლუქსიჩის ქვრივი, რომლის ქმარმაც სიმდიდრე მოიპოვა სამთო საქმიანობასა და სასმელებში. ფონტბონა და მისი შვილები აკონტროლებენ Antofagasta Plc-ს, რომელიც ფლობს სპილენძის მაღაროებს ჩილეში და ვაჭრობს ლონდონის საფონდო ბირჟაზე.

____________________

ფოტოზე: ფრანსუაზა ბეტანკურ-მეიერსი, ჯულია კოხი და ელის უოლტონი

გადაბეჭდვის წესი


ასევე: