საქართველოს საავტომობილო გზების დეპარტამენტის ინფორმაციით, შეკვეთილში, მდინარე ნატანებზე არსებულ ხიდზე ტრანსპორტის მოძრაობა უკვე ორმხრივადაა შესაძლებელი.
„შიდასახელმწიფოებრივი მნიშვნელობის შეკვეთილი-ქობულეთი-ჩაქვი-მახინჯაურის საავტომობილო გზის კმ0+400 მონაკვეთზე, შეკვეთილში, მდინარე ნატანებზე არსებული დაზიანებული ხიდის აღდგენის სამუშაოები დასრულდა და ავტოტრანსპორტის მოძრაობა ორმხრივ რეჟიმში აღდგა.“ – აცხადებს დეპარტამენტი.
აღნიშნულ მონაკვეთზე ძლიერი წვიმის დროს, 3 ოქტომბერს, ხიდის სავალი ნაწილი დაზიანდა და ავტოტრანსპორტის მოძრაობა აკრძალული იყო.
3 ოქტომბერს დაზიანებული ხიდი მდინარე ნატანებზე / ფოტო სოც. ქსელიდან
