„საერთაშორისო გამჭვირვალობა-საქართველო“ ხულოში შინაური ცხოველების სტერილიზაცია-კასტრაციის პროგრამის დანერგვას ითხოვს.
მათ 270 ადამიანის ხელმოწერაც შეაგროვეს პეტიციის მეშვეობით და ითხოვენ, რომ ხულოს მერიამ 2024 წლის ბიუჯეტში აღნიშნული პროგრამა დააფინანსოს.
ორგანიზაციის განცხადებით, პროგრამის დამტკიცების შემთხვევაში მოქალაქეები დაბა ხულოსა და სოფლებში პირველი ორი წელი უფასოდ ისარგებლებენ.
აღნიშნული აქტივობა ხორციელდება სამოქალაქო საბჭოებისა და „სოლიდარობის თემის“ თანამშრომლობით.
„მოვუწოდებთ ხულოს მუნიციპალიტეტის საკრებულოს, დროულად განიხილოს და დააკმაყოფილოს წარდგენილი მოთხოვნა, მერიას კი – 2024 წლის ბიუჯეტის პროექტში გამოყოს თანხა აღნიშნული პროგრამის განსახორციელებლად“ – ამბობს „გამჭვირვალობა“.
ხულოში პეტიციას ხელი მოაწერა 270-მა ადამიანმა.
