ხვალ, პირველ ივლისს ერთიანი ეროვნული გამოცდები იწყება. აბიტურიენტები პირველ გამოცდას ქართულ ენასა და ლიტერატურაში ჩააბარებენ.
აჭარის მასშტაბით ორი საგამოცდო ცენტრი იმუშავებს – ერთი ბათუმში, რომელიც ბათუმის შოთა რუსთაველის სახელმწიფო უნივერსიტეტშია გახსნილი, ხოლო მეორე ხულოში – დაბა ხულოს საჯარო სკოლაში.
ბათუმის საგამოცდო ცენტრის ხელმძღვანელის მანუჩარ ლორიას ინფორმაციით, ბათუმიის საგამოცდო ცენტრში წელს 72 სექტორი იქნება, აბიტურიენტთა რაოდენობა კი 3 700-მდეა. რაც შეეხება ხულოს საგამოცდო ცენტრს, აქ მაქსიმალური დატვირთვით 12 სექტორი იმუშავებს, სადაც 250 აბიტურიენტი ჩააბარებს გამოცდებს.
ხულოს საგამოცდო ცენტრის ხელმძღვანელი გოჩა ჩიტიძე ამბობს, რომ ცენტრი სრულიად მზადაა გამოცდებისთვის: „ჩვენს საგამოცდო ცენტრში ეროვნულ გამოცდებს ძირითადად ხულოს მუნიციპალიტეტში მცხოვრები აბიტურიენტები აბარებენ“, – ამბობს გოჩა ჩიტიძე.
ეროვნული გამოცდები წელს პირველად ნაწილობრივ ელექტრონული ფორმატით ჩატარდება. ეროვნული გამოცდები 22 ივლისს დასრულდება.
