ხულოში, სოფელ დიაკონიძეებში ცენტრალურ საავტომობილო გზაზე კლდის და მიწის მასა ჩამოიშალა. ადგილობრივების თქმით, ხულო-ახალციხის გზა ჩაკეტილია. მიწის მასა დღეს, 28 სექტემბერს, საღამოს ჩამოიშალა.
„ბათუმელების“ ინფორმაციით, შემთხვევის შედეგად არავინ დაშავებულა.
ადგილობრივების თქმით, გზის გაწმენდითი სამუშაოები მიმდინარეობს, ავტომანქანები კი შემოვლითი გზით გადაადგილდებიან.
ადგილი, სადაც კლდის და მიწის მასა ჩამოიშალა, ახლოსაა „შუახევჰესის“ გვირაბთან.
„ჩვენი თანამშრომლების მიერ მუდმივად მიმდინარეობს, როგორც გვირაბის, ასევე ჩვენს საქმიანობასთან დაკავშირებული ყველა ობიექტის მონიტორინგი. მიწის მასის ჩამოშლას, რაც სოფელ დიაკონიძეებში მოხდა, ჩვენს საქმიანობასთან კავშირი არ აქვს,“ – მოგვწერეს კომპანია„აჭარისწყალი ჯორჯიადან“.
____________________
ფოტოზე: ჩამოშლილი ღორღი და მიწა სოფელ დიაკონიძეებთან
