ქვეყნები, რომელთა მოქალაქეებს საქართველოში უვიზოდ შემოსვლა შეუძლიათ

იმ ქვეყნების ჩამონათვალი, რომელთა მოქალაქეებსაც საქართველოში უვიზოდ შემოსვლა შეუძლიათ, 96-მდე გაიზარდა.

საქართველოს მთავრობის 2023 წლის 11 სექტემბრის დადგენილებით, ჩამონათვალს ჩინეთის სახალხო რესპუბლიკა დაემატა.

ჩინეთის სახალხო რესპუბლიკის მოქალაქეებს საქართველოში უვიზოდ შემოსვლა უკვე დღეიდან [2023 წლის 12 სექტემბრიდან] შეუძლიათ.

აღნიშნულ ჩამონათვალში მითითებული ქვეყნების [მათ შორის რუსეთის ფედერაციის] მოქალაქეებს აქვთ საქართველოში უვიზოდ შემოსვლისა და სრული 1 წლის ვადით ყოფნის უფლება, გარდა უკრაინისა და ჩინეთის სახალხო რესპუბლიკის მოქალაქეებისა.

მთავრობის დადგენილებით:

• „ჩინეთის სახალხო რესპუბლიკის მოქალაქეებს აქვთ საქართველოში უვიზოდ შემოსვლისა და სრული 30 დღის  ვადით  ყოფნის უფლება, მხოლოდ ტურისტული მიზნებისთვის“.
• ხოლო, „უკრაინის მოქალაქეებს აქვთ საქართველოში უვიზოდ შემოსვლისა და სრული 2 წლის  ვადით  ყოფნის უფლება“.

უკრაინის მოქალაქეებთან დაკავშირებით ვადის 2 წლამდე გაზრდის შესახებ გადაწყვეტილება საქართველოს მთავრობამ რუსეთის უკრაინაში ომის დაწყების ერთი წლისთავზე, 2023 წლის 24 თებერვალს მიიღო.

იმ ქვეყნების ჩამონათვალი, რომელთა მოქალაქეებსაც შეუძლიათ საქართველოში უვიზოდ შემოსვლა, საქართველოს მთავრობამ 2015 წლის 5 ივნისს დაამტკიცა.

მაშინ ჩამონათვალში ჯამში სულ 94 ქვეყანა და ტერიტორია იყო, რომელსაც 2017 წელს – იორდანიის ჰაშიმიტური სამეფო, 2023 წელს კი – ჩინეთის სახალხო რესპუბლიკა დაემატა.

1. ავსტრალიის თანამეგობრობა
2. ავსტრიის რესპუბლიკა
3. აზერბაიჯანის რესპუბლიკა
4. ალბანეთის რესპუბლიკა
5. ამერიკის შეერთებული შტატები
6. ანდორის სამთავრო
7. ანტიგუა და ბარბუდა
8. არაბთა გაერთიანებული საამიროები
9. არგენტინის რესპუბლიკა
10. ახალი ზელანდია
11. ბარბადოსი
12. ბაჰრეინის სამეფო
13. ბაჰამის თანამეგობრობა
14. ბელარუსის რესპუბლიკა
15. ბელგიის სამეფო
16. ბელიზი
17. ბოსნია და ჰერცეგოვინა
18. ბოტსვანის რესპუბლიკა
19. ბრაზილიის ფედერაციული რესპუბლიკა
20. ბრუნეი-დარუსალამი
21. ბულგარეთის რესპუბლიკა
22. გერმანიის ფედერაციული რესპუბლიკა
23. დანიის სამეფო
24. დანიის სამეფოს ტერიტორიები – ფარერის კუნძულები და გრენლანდია
25. დიდი ბრიტანეთისა და ჩრდილოეთ ირლანდიის გაერთიანებული სამეფო
26. დიდი ბრიტანეთისა და ჩრდილოეთ ირლანდიის გაერთიანებული სამეფოს საზღვარგარეთის ტერიტორიები – ბერმუდის კუნძულები, კაიმანის კუნძულები, ბრიტანეთის ვირჯინის კუნძულები, ფოლკლენდის კუნძულები, ტერკსის და კაიკოსის კუნძულები, გიბრალტარი
27. დიდი ბრიტანეთისა და ჩრდილოეთ ირლანდიის გაერთიანებული სამეფოს დამოკიდებული ტერიტორიები – ჯერზი, გერნზი, კუნძული მენი
28. დომინიკის რესპუბლიკა
29. ელ-სალვადორი
30. ეკვადორის რესპუბლიკა
31. ესპანეთის სამეფო
32. ესტონეთის რესპუბლიკა
33. თურქეთის რესპუბლიკა
34. თურქმენეთი
35. იაპონია
36. ირლანდიის რესპუბლიკა
37. ისლანდია
38. ისრაელის სახელმწიფო
39. იტალიის რესპუბლიკა
40. კანადა
41. კატარის სახელმწიფო
42. კვიპროსის რესპუბლიკა
43. კოლუმბიის რესპუბლიკა
44. კორეის რესპუბლიკა
45. კოსტა-რიკის რესპუბლიკა
46. ლატვიის რესპუბლიკა
47. ლიტვის რესპუბლიკა
48. ლიბანის რესპუბლიკა
49. ლიხტენშტაინის სამთავრო
50. ლუქსემბურგის დიდი საჰერცოგო
51. მავრიკის რესპუბლიკა
52. მალაიზია
53. მალტის რესპუბლიკა
54. მექსიკის შეერთებული შტატები
55. მონაკოს სამთავრო
56. მოლდოვის რესპუბლიკა
57. მონტენეგრო
58. ნიდერლანდების სამეფო
59. ნიდერლანდის სამეფოს ტერიტორიები – არუბის და ნიდერლანდის ანტილის კუნძულები
60. ნორვეგიის სამეფო
61. ომანის სასულთნო
62. პანამის რესპუბლიკა
63. პოლონეთის რესპუბლიკა
64. პორტუგალიის რესპუბლიკა
65. რუმინეთი
66. რუსეთის ფედერაცია
67. საბერძნეთის რესპუბლიკა
68. სამხრეთ აფრიკის რესპუბლიკა
69. სან-მარინოს რესპუბლიკა
70. საუდის არაბეთის სამეფო
71. საფრანგეთის რესპუბლიკა
72. საფრანგეთის რესპუბლიკის ტერიტორიები – საფრანგეთის პოლინეზია და ახალი კალედონია
73. სეიშელის კუნძულები
74. სენტ-ვისენტი და გრენადინები
75. სერბეთის რესპუბლიკა
76. სინგაპურის რესპუბლიკა
77. სლოვაკეთის რესპუბლიკა
78. სლოვენიის რესპუბლიკა
79. სომხეთის რესპუბლიკა
80. ტაილანდის სამეფო
81. ტაჯიკეთის რესპუბლიკა
82. უზბეკეთის რესპუბლიკა
83. უკრაინა
84. უნგრეთი
85. ფინეთის რესპუბლიკა
86. ქუვეითის სახელმწიფო
87. ყირგიზეთის რესპუბლიკა
88. ყაზახეთის რესპუბლიკა
89. შვედეთის სამეფო
90. შვეიცარიის კონფედერაცია
91. ჩეხეთის რესპუბლიკა
92. წმინდა საყდარი
93. ხორვატიის რესპუბლიკა
94. ჰონდურასის რესპუბლიკა
95. იორდანიის ჰაშიმიტური სამეფო
96. ჩინეთის სახალხო რესპუბლიკა

მთავრობის დადგენილებით:

„მითითებული ქვეყნების მოქალაქეებს აქვთ საქართველოში უვიზოდ შემოსვლისა და სრული 1 წლის  ვადით  ყოფნის უფლება [გარდა უკრაინისა და ჩინეთისა, რაც ზემოთ აღვნიშნეთ].

• ევროკავშირის წევრი სახელმწიფოების მოქალაქეებს საქართველოში შემოსვლა შეუძლიათ სამგზავრო დოკუმენტის, ასევე ევროკავშირის წევრი სახელმწიფოს მიერ გაცემული პირადობის მოწმობის საფუძველზე, რომელშიც აღნიშნულია პირის სახელი, გვარი, დაბადების თარიღი და დატანილია ფოტოსურათი.
• ლიხტენშტაინის სამთავროს მოქალაქეებს საქართველოში შემოსვლა შეუძლიათ სამგზავრო დოკუმენტის, ასევე პირადობის დამადასტურებელი დოკუმენტის საფუძველზე, რომელშიც აღნიშნულია პირის სახელი, გვარი, დაბადების თარიღი და დატანილია ფოტოსურათი.
• შვეიცარიის კონფედერაციის მოქალაქეებს საქართველოში შემოსვლა შეუძლიათ სამგზავრო დოკუმენტის, ასევე პირადობის დამადასტურებელი დოკუმენტის საფუძველზე, რომელშიც აღნიშნულია პირის სახელი, გვარი, დაბადების თარიღი და დატანილია ფოტოსურათი.
• საქართველოში უვიზოდ შემოსვლისა და სრული 1 წლის ვადით უვიზოდ ყოფნის უფლება აქვთ გაერთიანებული ერების ორგანიზაციის ან მისი სპეციალიზებული სააგენტოების მიერ გაცემული სამგზავრო დოკუმენტის – ლესე-პასეს (Laissez-Passer) მფლობელ უცხოელებს.
• უცხოელს (რომელიც საჭიროებს ვიზას), განსაკუთრებულ შემთხვევებში, საქართველოს მთავრობის გადაწყვეტილებით, საქართველოში უვიზოდ შემოსვლისა და სრული 1 წლის ვადით უვიზოდ ყოფნის უფლება შესაძლებელია, მიეცეს ამავე გადაწყვეტილებით განსაზღვრულ შემთხვევებში“.