საჯარო რეესტრის ინფორმაციით, ამჯერად საჯაროდ გამოქვეყნდა ხულოს მუნიციპალიტეტის დიოკნისისა და საციხურის ადმინისტრაციულ ერთეულში მიწის სისტემური რეგისტრაციის ფარგლებში ჩატარებული საკადასტრო სამუშაოების მონაცემები.
მესაკუთრეებმა/დაინტერესებულმა პირებმა მონაცემები 17 სექტემბრის ჩათვლით პერიოდში უნდა გადაამოწმონ და შენიშვნების შემთხვევაში განცხადებით მიმართონ რეესტრს. აღნიშნული ვადის გასვლის შემდეგ კი, რეესტრი აზომვის მონაცემებს მათ მიერ მოწონებულად ჩათვლის.
- რეესტრის ინფორმაციით, მონაცემების გაცნობა შესაძლებელია საჯარო რეესტრის ეროვნული სააგენტოს ოფიციალურ ვებგვერდზე
დიოკნისსა და საციხურში ჩატარებული აზომვითი სამუშაოების მონაცემებთან ერთად, ასევე გამოქვეყნდა ხაშურის, მესტიის, ხობის, ბოლნისის, ამბროლაურისა და ჭიათურის მუნიციპალიტეტების სხვადასხვა ადმინისტრაციულ ერთეულებში ჩატარებული აზომვითი სამუშაოების მონაცემები:
მიწის სისტემური [უფასო] რეგისტრაცია მთელი ქვეყნის მასშტაბით 2025 წლამდე უნდა დასრულდეს. ამასთან, „2023 წლის 1-ელი იანვრიდან 2025 წლის 1-ელ იანვრამდე პერიოდში სპორადული რეგისტრაციის ან სისტემური რეგისტრაციის ფარგლებში უძრავ ნივთზე საკუთრების უფლების პირველადი რეგისტრაცია, ამავე პერიოდის განმავლობაში, არ გაითვალისწინება ოჯახის სოციალურ-ეკონომიკური მდგომარეობის შეფასებისას“.
საჯარო რეესტრის ვებგვერდზე, გრაფაში – „აზომვის მოთხოვნა“ – მოქალაქეებს შეუძლიათ დააფიქსირონ საკუთარი თავი [ე.წ. „მომლოდინეთა სიაში“], სადაც საკონტაქტო ინფორმაციასაც მიუთითებენ და მოითხოვონ მიწის ნაკვეთის უფასოდ აზომვა/რეგისტრაცია. რეესტრი ამ მონაცემებითაც ისარგებლებს.
აჭარაში მიწის უფასოდ რეგისტრაცია საჯარო რეესტრის მიერ გამოქვეყნებულ გეგმა-გრაფიკთან შედარებით გვიან დაიწყო.
2023 წლის ივლისის დასაწყისში საჯაროდ გამოქვეყნდა ხულოს მუნიციპალიტეტის დიდაჭარის ადმინისტრაციულ ერთეულში ჩატარებული აზომვითი სამუშაოების მონაცემები. დიდაჭარის მცხოვრებლებს მონაცემების გადამოწმება 2023 წლის 10 აგვისტომდე შეეძლოთ.
აგვისტოს დასაწყისში კი, რიყეთის ადმინისტრაციულ ერთეულში ჩატარებული საკადასტრო სამუშაოების მონაცემები გამოქვეყნდა. ამ შემთხვევაში მესაკუთრეებმა/დაინტერესებულმა პირებმა მონაცემები 28 აგვისტომდე უნდა გადაამოწმონ.
ამ თემაზე:
რა შემთხვევაში გადაიხდის გლეხი 600 ლარს დაკავებული მიწის რეგისტრაციაში?
