ბათუმელი მსახიობი, ეკა ჩავლეიშვილი, სარაევოს 29-ე საერთაშორისო კინოფესტივალზე საუკეთესო მსახიობ ქალად დასახელდა.
ეკა ჩავლეიშვილმა ჯილდო მიიღო ქალის მთავარი როლის საუკეთესოდ შესრულებისთვის ფილმში „შაშვი შაშვი მაყვალი“.
ეკა ჩავლეიშვილი ბათუმის დრამატული თეატრის მსახიობია.
ამავე ფესტივალზე საუკეთესო მხატვრულ ფილმად დასახელდა „შაშვი შაშვი მაყვალი“.
ფილმის რეჟისორი ელენე ნავერიანია და ის თამთა მელაშვილის ამავე სახელწოდების რომანის მიხედვითაა გადაღებული.
ელენე ნავერიანი სარაევოს 29-ე საერთაშორისო კინოფესტივალზე
ეს არ არის „შაშვი შაშვი მაყვალის“ ერთადერთი წარმატება. აქამდე ეს ფილმი კანის კინოფესტივალის დამოუკიდებელ სექციაში და ევროპული კინოაკადემიის ჯილდოს გრძელ სიაში იყო.
