ფოტოზე: მამუკა მამულაშვილი
რუსეთის საგამოძიებო კომიტეტმა უკრაინის შეიარაღებულ ძალებში სამსახურისთვის 70-ზე მეტი ქართველი ჯარისკაცი დაუსწრებლად ცნო დამნაშავედ. მათ შორისაა „ქართული ლეგიონის“ დამაარსებელი მამუკა მამულაშვილი.
ამის შესახებ რუსული მედია წერს ოფიციალურ წყაროებზე დაყრდნობით.
ჯამში უკრაინაში მყოფი „ქართული ლეგიონის“ 70-ზე მეტ მებრძოლს რუსეთმა დაუსწრებლად წაუყენა ბრალი სისხლის სამართლის საქმეზე.
რუსული მედია წერს, რომ სისხლის სამართლის პასუხისმგებლობა აქვს დაკისრებული მამუკა მამულაშვილს, რომელმაც 2014 წელს შექმნა „ქართული ლეგიონი“ უკრაინაში.
მამუკა მამულაშვილს რუსეთის ფედერაციის საგამოძიებო კომიტეტი ომის დანაშაულებების ჩადენის ბრალდებას უყენებს. გამოძიება 2022 წლის აპრილში დაიწყო.
ამავე თემაზე:
რუსებს უნდათ „ქართული ლეგიონი“ ერთიანად გაანადგურონ – ინტერვიუ მამუკა მამულაშვილთან
