საკონცერტო სცენა და მულტიფუნქციური საღონისძიებო სივრცე – „სთეიჯ-17“ ბათუმში მდებარეობს და მასპინძლობს პოპმუსიკის, ჯაზის, კლასიკური თუ ელექტრონული მუსიკის შემსრულებლებს.
კავკასიის რეგიონში „სთეიჯ-17-ის“ უპირატესობა კონსიერჟული მომსახურება, უპრეცედენტო ინფრასტრუქტურული დაგეგმარება, ხმისა და განათების თანამედროვე სისტემებია. სივრცე თანამშრომლობს ისეთ საერთაშორისო მარკებთან, როგორიცაა: Clair Brothers-ი, DiGiCo, SHURE-ის Axient Digital-ი, Sennheiser-ი. ხმის ინჟინერიისა და განათების საერთაშორისო გუნდი კი გამოცდილია ისეთი ვარსკვლავების შოუებზე, როგორიცაა: თინა ტერნერი, ელტონ ჯონი, სტინგი, ჯენიფერ ლოპესი, შაკირა, Pink Martini, ანტონი რემოსი, ეროს რამაზოტი და ა.შ.
„სთეიჯ-17“ ვიზიტორებს ცოცხალი წარმოდგენის შეგრძნების სრულიად ახალ გამოცდილებას ჰპირდება: ნაგებობის არქიტექტურა ყველანაირი ამინდისთვის შესაფერის „ჭკვიან“ სივრცეებს მოიცავს როგორც დასაჯდომ, ასევე – საცეკვაო კუთხეებს;
კონსტრუქციის მთლიანი იატაკი სასცენო პოდიუმის მასალითაა მოპირკეთებული, რაც კიდევ უფრო ამძაფრებს სცენასთან სიახლოვის შეგრძნებას. სადღესასწაულო განწყობის ამაღლებას კი ვიზუალური ეფექტების ინოვაციური აპარატურა უზრუნველყოფს – ლაზერული შოუებითა და უახლესი მონიტორების ბუნებრივი გამოსახულებებით.
2023 წლის საზაფხულო სეზონი 15 ივლისს, „თბილისი ოფენ ეარის“ გუნდთან თანამშრომლობით გაიხსნება, აგვისტოს ბოლომდე გაგრძელდება და კვირაში ორი დღე უმასპინძლებს სტუმრებს. 28-30 ივლისს კი რიგით მე-16 შავი ზღვის ჯაზფესტივალის მასპინძელი იქნება.