კულტურული მემკვიდრეობის უძრავი ძეგლის სტატუსი მიენიჭა მდინარე მაჭახელას რკინის ხიდსა და სოფელ რიყეთის საგზაოს სახლს.
საქართველოს კულტურული მემკვიდრეობის დაცვის ეროვნული სააგენტოს გენერალური დირექტორის შესაბამისი ბრძანება 2023 წლის 24 მაისიდან ამოქმედდა.
ბრძანების მიხედვით:
- მდინარე მაჭახელას რკინის ხიდი – მდებარეობა: ხელვაჩაურის მუნიციპალიტეტი, სოფელი მაჭახლისპირი; სახეობა: საინჟინრო; თარიღი: XIX საუკუნის დასაწყისი
- სოფელ რიყეთის საგზაოს სახლი – მდებარეობა: ხულოს მუნიციპალიტი, სოფელი რიყეთი; სახეობა: არქიტექტურის; თარიღი: XX საუკუნის პირველი ნახევარი
მაჭახელას რკინის ხიდი და რიყეთის საგზაოს სახლი / ფოტოები ბრძანებიდან
სააგენტოს გენერალური დირექტორის ამავე ბრძანებით, ძეგლის სტატუსი მიენიჭა კიდევ ოთხ ობიექტს:
- იოანე ნათლისმცემლის სახელობის ეკლესიას [გორი, შინდისი]
- დიდველის ზურგიან კოშკს [დუშეთი, კაიშაური]
- ქურდიანების კოშკსა და დარბაზ-მაჩუბს [მესტია, მურშკელი]
- დემურ (აბო) ქურდიანის კოშკს [მესტია, მურშკელი]
