უკრაინის შეიარაღებული ძალების საჰაერო ძალების პრესსამსახურის ცნობით, 17 მაისის საღამოდან 18 მაისის დილამდე, რუსეთის საოკუპაციო ძალებმა სხვადასხვა მიმართულებით სარაკეტო იერიშის რამდენიმე ტალღა განახორციელეს უკრაინაში.
უწყების ცნობით, რუსეთის არმიამ გაისროლა 30 საზღვაო, საჰაერო და სახმელეთო ფრთოსანი რაკეტა, მათგან 29 უკრაინის თავდაცვის ძალებმა გაანადგურეს.
უკრაინის საჰაერო თავდაცვის ცნობით, გასულ ღამეს ჩამოაგდეს რუსეთის ორი „შაჰიდი“ და ორი სადაზვერვო უპილოტო საფრენი აპარატი.
გასულ 24 საათში ოდესაში, სამრეწველო საწარმოზე სარაკეტო თავდასხმის შედეგად ერთი ადამიანი დაიღუპა, ორი კი დაშავდა ჩამოგდებული საჰაერო რაკეტის ნამსხვრევების შედეგად.
