მთავარი,სიახლეები

პულიცერის პრემია გადაეცათ უკრაინელ ჟურნალისტებს, რომლებიც მარიუპოლში დარჩნენ

09.05.2023 • 928
პულიცერის პრემია გადაეცათ უკრაინელ ჟურნალისტებს, რომლებიც მარიუპოლში დარჩნენ

უკრაინელ ჟურნალისტებს: დოკუმენტალისტ მსტისლავ ჩერნოვს, ფოტოგრაფ ევგენი მალოლეტკას და პროდიუსერ ვასილისა სტეპანენკოს აშშ-ის ყველაზე პრესტიჟული ჟურნალისტური ჯილდო, 2023 წლის პულიცერის პრემია გადაეცათ.

ჩერნოვი, მალოლეტკა და სტეპანენკო დასავლური მასმედიის ერთადერთი წარმომადგენლები იყვნენ, რომლებიც ოკუპირებულ მარიუპოლში დარჩნენ საომარი მოქმედებების დროს.

სწორედ მათ გამოაქვეყნეს მასალა მარიუპოლის დაბომბილი სამშობიაროდან. სამივე მათგანი „ასოშიეიტედ პრესის“ წარმომადგენელია.

ევგენი მალოლეტკამ პულიცერის პრემია ასევე მიიღო კატეგორიაში „ახალი ამბების ფოტოგრაფია“, რომელიც Associated Press-ის სხვა ფოტოგრაფებთან ერთად გაიზიარა.

პულიცერის პრემიის გამარჯვებულების შესახებ 9 მაისს გახდა ცნობილი.

უკრაინელ ჟურნალისტებს 2022 წელსაც გადაეცათ პულიცერის სპეციალური ჯილდო გამბედაობისა და გამძლეობისთვის მათ სამშობლოში მიმდინარე ომის გაშუქებისას.

პულიცერის პრემია აშშ-ში 1917 წლიდან გაიცემა. ეს ყველაზე პრესტიჟული ამერიკული პრემიაა ჟურნალისტიკაში.

______________

ფოტოზე: ფოტოზე: Associated Press-ის ფოტოგრაფი ევგენი მალოლეტკა მიუთითებს კვამლზე სამშობიაროზე საჰაერო თავდასხმის შემდეგ. მარიუპოლი, უკრაინა, 2022 წლის 9 მარტი. AP Photo/Mstyslav Chernov

ამავე თემაზე: 

20 დღე მარიუპოლში: ჟურნალისტები აგონიაში მყოფ ქალაქში – AP

 

გადაბეჭდვის წესი


ასევე: