2023 წლის პირველ კვარტალში საქართველოში 2300 შემაკავებელი ორდერი გამოიცა 4271 პირზე – ასეთია შს სამინისტროს ოფიციალური სტატისტიკა.
1820 ქალი შს სამინისტროს სტატისტიკაში იდენტიფიცირებულია, როგორც ოჯახში ძალადობის მსხვერპლი, მათგან 38 პირი 13 წლამდე გოგო იყო.
წლის პირველი კვარტლის სტატისტიკის თანახმად, ყველაზე ხშირად ოჯახში ძალადობის მსხვერპლი 25-დან 44 წლამდე ასაკის ქალები არიან [992 რეგისტრირებული შემთხვევა].
ოჯახში ძალადობის მსხვერპლი 375 კაცი გახდა 2023 წლის პირველი სამი თვის განმავლობაში, 24 მათგანი 13 წლამდე მოზარდი იყო.
რაც შეეხება მოძალადეების გენდერულ სტატისტიკას, 1763 კაცი მოძალადიდან 1070 24 წლიდან 44 წლამდე კაცია.
შს სამინისტროს სტატისტიკაში 313 ქალია მითითებული, როგორც მოძალადე.
ოჯახში ძალადობის სახეების სტატისტიკური ანალიზი [ასე გამოიყურება:
- ფსიქოლოგიური – 2141
- ფიზიკური – 551
- ეკონომიკური – 25
- სექსუალური – 10
- იძულება – 16
- უგულებელყოფა – 14
2023 წლის პირველ კვარტალში ოჯახში ძალადობის ყველაზე მეტი შემთხვევაა რეგისტრირებული თბილისში [1128], ქვემო ქართლში [277], კახეთსა [205] და აჭარაში [184].
ამავე პერიოდში ოჯახში ძალადობის რეგისტრირებული ყველაზე დაბალი მაჩვენებელია რაჭა-ლეჩხუმში [5] და გურიაში [21].
ამავე თემაზე:
შემაკავებელი ორდერი ოჯახში და ქალზე ძალადობისას – რა შეიცვალა შს მინისტრის ბრძანებით
