ბათუმში, თბილისსა და ქუთაისში მცხოვრები დევნილი უკრაინელი გოგონებისა და ქალთა მხარდამჭერი პროექტების განხორციელებისთვის საგრანტო კონკურსი ცხადდება.
კონკურსს „სონიაშნიკ“ აცხადებს, რომელიც ამერიკის შეერთებული შტატების საელჩოს მიერ დაფინანსებული პროგრამაა.
საგრანტო კონკურსში მონაწილეობის მიღება შეუძლიათ როგორც ინდივიდუალურ პირებს, ასევე იდეის გარშემო გაერთიანებულ ჯგუფებს.
„აპლიკანტს, რომელიც გზავნის საგრანტო განაცხადს, უნდა ჰქონდეს შესაბამის სფეროში (შესაბამისი პროფილით) მუშაობის გამოცდილება. გაითვალისწინეთ, რომ კონკურსის პირობებში უპირატესობა მიენიჭება უკრაინის მოქალაქის მიერ გამოგზავნილ საგრანტო განაცხადს (ასეთის არსებობის შემთხვევაში),“ – ნათქვამია კონკურსის შესახებ გავრცელებულ ინფორმაციაში.
პროექტის განმავლობაში თითოეულ ქალაქში განხორციელებულ აქტივობებში მონაწილეობა უნდა მიიღოს სულ მცირე 30 და მაქსიმუმ 50 უკრაინელმა გოგონამ ან/და ქალმა.
საგრანტო განაცხადის შეტანის ბოლო ვადაა 2023 წლის 15 აპრილი. თანხა – 2 ათასი ამერიკული დოლარი.
საგრანტო განაცხადის შესახებ დეტალური ინფორმაცია იხილეთ აქ.
