საქართველოს საავტომობილო გზების დეპარტამენტის ინფორმაციით, მეწყრის გამო შიდასახელმწიფოებრივი მნიშვნელობის ბათუმი(ანგისა)-ახალციხის საავტომობილო გზის კმ84-კმ106 მონაკვეთზე დასაშვებია მხოლოდ მაღალი გამავლობის ავტოტრანსპორტის (ორი და მეტი წამყვანი ხიდის მქონე) მოძრაობა, ხოლო დანარჩენი სახის ავტოტრანსპორტის გადაადგილება აკრძალულია.
დეპარტამენტის ინფორმაციით, 7 მარტის მდგომარეობით, ბათუმი-ახალციხის საავტომობილო გზის კმ1-კმ84 (ბათუმი[ანგისა]- ხულოს სოფელი დიაკონიძეები) მონაკვეთზე ავტოტრანსპორტის მოძრაობა თავისუფალია.
ხულოს მერიის ინფორმაციით, მეწყერი 6 მარტს, საღამოს განვითარდა, რამაც დროებით გამოიწვია ცენტრალური საავტომობილო გზის ჩაკეტვა. ასევე, მეწყერმა მოიყოლა მიმდებარე ტერიტორიაზე არსებული სასაფლაოები.
„მეწყრული კერის შემდგომი გააქტიურებისა და საფრთხის თავიდან აცილების მიზნით, მოეწყო ალტერნატიული შემოვლითი გზა, რომლითაც მაღალი გამავლობის ავტომობილებით გადადგილება შესაძლებელია,“ – აცხადებს ხულოს მერია.
მთავარი ფოტო: მეწყერი სოფელ დიაკონიძეებთან/ფოტო: ხულოს მერია
კურორტისკენ მიმავალი გზა, სოფელ დიოკნისში ჩამოწოლილი მეწყრის გამო 3 მარტსაც ჩაიკეტა.
ამ თემაზე:
ხულო-ადიგენის გზა ჩაკეტილია – სოფელ დიოკნისში მეწყერი ჩამოწვა
