დღეს, 3 მარტს, ხულო-ადიგენის საავტომობილო გზა ჩაკეტილია, სოფელ დიოკნისში წუხელ მეწყერი ჩამოწვა.
„საკმაოდ დიდი მოცულობის მასაა ჩამოსული. არავინ დაშავებულა. გზის გაწმენდა უკვე დაწყებული გვაქვს,“ – გვითხრა ხულოს მერიის წარმომადგენელმა სოფელ დიოკნისში, გურამ კახაძემ.
მისივე თქმით, სავარაუდოდ დღის ბოლოს აღდგება ცენტრალურ გზაზე მოძრაობა. სწორედ ეს გზა უკავშირდება კურორტ გოდერძის.
„გზის ქვემოთ ყანებია, ახლა მოსახლეობას ვუთანხმდებით, შეიძლება თუ არა იქ დავყაროთ ეს მიწა. თუ მოსახლეობა წინააღმდეგი წავა, მაშინ შორს იქნება გასატანი ეს ჩამოშლილი მიწა,“ – აღნიშნა გურამ კახაძემ „ბათუმელებთან“.
