ხვალ, პირველ ივნისს, ბავშვთა დაცვის საერთაშორისო დღესთან დაკავშირებით, ბათუმის მერია 6 მაისის პარკში ბავშვებისთვის გასართობ ღონისძიებებს გეგმავს. მერიის ინფორმაციით, ღონისძიებები 12 საათიდან დაიწყება.
მუსიკალურ-თეატრალური და გასართობი კონცერტები ჩატარდება ბათუმის საბაგიროს მიმდებარე ტერიტორიაზე და თოჯინების თეატრშიც. დაგეგმილია საზეიმო კონცერტები საბავშვო სტუდიების მონაწილეობით.
ღონისძიებების ორგანიზატორის – ბათუმის მერიის ინფორმაციით, პირველ ივნისს ყველა ღონისძიებაზე დასწრება უფასო იქნება და მოეწყობა უფასო ნაყინის აქციაც.
