მთავარი,სიახლეები

ახალი ნერგი ასწლოვანი მაგნოლიის ფესვზე

29.05.2016 • 3016
ახალი ნერგი ასწლოვანი მაგნოლიის ფესვზე

ბათუმის ბულვარში ასწლოვანი მაგნოლიის ფესვზე, რომელიც 2016 წლის ზამთარში, დიდთოვლობის დროს წაიქცა, ახალი ნერგი იზრდება. ხის წაქცევის ფაქტს მაშინ სოციალურ ქსელში დიდი გამოხმაურება მოჰყვა.
ასწლოვანი ხის წაქცევის შემდეგ „ფეისბუქში“ ამ ხესთან დაკავშირებულ ისტორიებზე წერდნენ:

„ მაგნოლიის ფოთოლზე დაწერილ წერილებს უგზავნიდნენ ერთმანეთს შეყვარებულები ძველ ბათუმში. მარკით, საფოსტო შტამპით და პროცედურების სრული დაცვით. ალბათ ბევრი სიყვარული აუხსნია ამ ხესაც. იქნებ სწორედ ამ ფოთლებმა ამცნეს ბებიაჩვენებს ბაბუაჩვენების ტრფობა და პირიქით. მეტი აღარაფერი შეუძლია, მაგრამ ფოთლები ჯერ კიდევ ბლომად ასხია. იქნებ დაგვეხედა ბოლოჯერ და იქნებ თითო ფოთოლიც წამოგვეღო რატომღაც. ეს მაგნოლია 1888 წლის 25 სექტემბერს დარგო იმპერატორმა ალექსანდრე მესამემ და დღეს წააქცია თოვლმა.
დასვენებულია ბულვარის შესასვლელში, ბარბარეს გადაღმა.“ – წერდა საზოგადოება „ბათომის დამფუძნებელი შოთა გუჯაბიძე. მას სხვებიც გამოეხმაურნენ.

ასწლოვანი მაგნოლია იანვარში დიდთივლობის დროს წაიქცა

ასწლოვანი მაგნოლია იანვარში დიდთოვლობის დროს წაიქცა

10406660_10205537454220729_6288679443195948722_n

მათ შორის ბევრმა ხის წაქცევის გამო ბათუმის მერიასა და ბულვარის ადმინისტრაციას დასდო ბრალი: „უუნარო თვითმმართველობა, ავტონომიის ხელმძღვანელობა და ბოლოს ცენტრალური მთავრობა.“

„ მთელი დღე ვპოსტავდით, რომ გამოსულყვნენ ადამიანები ხეების დასაბერტყად. რამდენიმე შემოგვიერთდა მხოლოდ . . ხომ ვიძახდით ერმაკოვის არ არის ბათუმიო, ხოდა სად იყავით დღეს ისინი, ვისიც არის ბათუმი? “ – წერდნენ ფეისბუქში.

წყაროების მიხედვით, ეს ხე იმპერატორ ალექსანდრე მესამეს დაურგავს. ცოტა ხნის წინ ხის ფესვზე ნერგი გაიზარდა.

მაგნოლიის გულშემატკივრები ერთმანეთს მოუწოდებენ ნერგის დასაცავად კამპანიის წამოწყებას, რომ მთავრობამ მისი გადარგვა და ამ ადგილას პალმის დარგვა არ რაიმე მონუმენტის განთავსება არ მოინდომოს.

13288408_1016197065137810_586174151_o

ბულვარის ადმინისტრაციის პრესსამსახურის უფროსის მაგდა ჯაიანის ინფრომაციით კი, ნერგს საფრთხე არ ემუქრება: „ არც გადარგვას ვგეგმავთ და არც რაიმე სხვას ვუპირებთ. მას ჩვენი აგრონომები უვლიან, ხოლო დაცვას ევალება მიაქციოს ყურადღება, რომ ვინმემ არ დააზიანოს. გარდა ამისა, იქ დამონტაჟებულია კამერები და ნერგისთვის ხელის ხლებას ვერავინ გაბედავს.“

IMG_7836

გადაბეჭდვის წესი


ასევე: